CCTV / વડોદરામાં રોંગ સાઈડ આવતા ટ્રકે બાઇક સવાર ASIને ટક્કર મારી, માથું છૂંદાઈ જતાં મોત

• અમદાવાદ બાદ વડોદરામાં પણ અકસ્માતે લીધો જીવ
• આઈસરે બાઈક સવાર ASIને અડફેટે લેતા કમકમાટી ભર્યું મોત
• સમા પોલીસ સ્ટેશનમાં ફરજ બજાવતા ASIનું અકસ્માતમાં મોત 

અમદાવાદ બાદ હવે વડોદરામાં પણ સામે આવી હિટ એન્ડ રનની ઘટના સામે આવી છે, રણોલી હાઈવે પર અકસ્માત સર્જાતા પોલીસમાં ફરજ બજાવતા ASIનું મોત નિપજ્યું છે. રોગ સાઈડમાં આવી રહેલી આઈસરે બાઈક સવાર પોલીસ કર્મીને અડફેટે લેતા તેમનું ઘટના સ્થળે જ તેમનું મોત નિપજ્યું છે. 

અમદાવાદ બાદ વડોદરામાં પણ અકસ્માતે લીધો જીવ

વડોદરાના સમા વિસ્તારમાં પોલીસ જવાનનું અકસ્માતમાં મોત નિપજતા પોલીસ તંત્રમાં ગમગીની ફેલાઈ ગઈ છે પોલીસ જવાન પોતાની બાઇક લઇને ડ્યુટી પર જઈ રહ્યા હતા ત્યારે રણોલી બ્રિજ પાસે રોંગ સાઇડ આવી રહેલા ટેમ્પોએ તેઓને અડફેટે લેતા સ્થળ પર તેમનું કમકમાટી ભર્યું મોત નીપજ્યું હતું. સમગ્ર ઘટના CCTVમાં કેદ થઇ હતી.

આઈસરે બાઈક સવાર ASIને અડફેટે લેતા કમકમાટી ભર્યું મોત

વડોદરા નજીક રણોલી ગામમાં રહેતા રાજેન્દ્રભાઇ જયસ્વાલ સમા પોલીસ સ્ટેશન ખાતે આસિસટન્ટ સબ ઇન્સપેકટર તરીકે ફરજ બજાવતા હતા. આજે સવારે તેઓ નિત્યક્રમ પ્રમાણે પોલીસ સ્ટેશન જવા માટે બાઇક પર નિકળ્યાં હતા. ત્યારે રોંગ સાઇડ આવી રહેલી આઇસરે અડફેટે લેતા તેઓ બાઇક ઉપરથી ફંગોળાઇ ગયા હતા અને તેમના માથા પર આઇસરનું વ્હિલ ફરી વળતા સ્થળ પર તેઓનું કમકમાટીભર્યું મોત નીપજ્યું હતું.

સમા પોલીસ સ્ટેશનમાં ફરજ બજાવતા ASIનું અકસ્માતમાં મોત 

આ બનાવની જાણ પોલીસના જવાનો થતા પોલીસ જવાન મિત્રોને થતાં સ્થળ પર દોડી ગયા હતા. તેમજ પરિવારજનો પણ સ્થળે દોડી આવ્યા હતા પોલીસ જવાનનું આકસ્મિક મોત થતા પોલીસ તંત્રમાં પણ ઘેરા શોકની લાગણી પ્રસરી ગઇ હતી. મહત્વનું છે કે સમગ્ર ઘટના સીસીટીવીમાં કેદ થઈ જતા છાણી પોલીસે CCTV ફૂટેજના આધારે આઇસર ટેમ્પોના ચાલક સામે ગુનો નોંધી કાર્યવાહી હાથ ધરી છે.

રોંગ સાઈડ આવતી ટ્રકે બાઈકચાલકને અડફેટે લીધા

ઉલ્લેખનીય છે કે, ફ્લાઇઓવર બ્રિજ હોવાના કારણે અવારનવાર રણોલી ટર્નિગ ઉપર અકસ્માતો સર્જાતા હોય છે. આજે સવારે સમા પોલીસ સ્ટેશનના ASI અકસ્માતનો ભોગ બન્યા હતા. અવારનવાર ભારદારી વાહનો રોંગ સાઇડ આવતા આ પ્રકારની ઘટનાઓનો બનવા છતાં તંત્ર દ્વારા કોઇ ઉકેલ લાવવામાં આવતો નથી, પરંતુ, તંત્ર દ્વારા આ પ્રકારના વાહન ચાલકો સામે કોઇ નક્કર પગલા હજી સુધી લેવામાં આવ્યા નથી.