વડોદરામાં યુવતી સાથે લીફ્ટના બહાને રીક્ષામાં બેસાડી યુવતી સાથે દુષ્કર્મ આચર્યું હોવાની ફરિયાદ નોંધાઇ છે.
વડોદરામાં યુવતી સાથે સામૂહિક દુષ્કર્મ
3 મહિના અગાઉ યુવતી સાથે થયું હતું દુષ્કર્મ
ગઇકાલે યુવતીનો મૃતદેહ કેનાલમાંથી મળ્યો
વડોદરામાં તૃષા હત્યા કેસ બાદ વધુ એક ચોંકાવનારી ઘટના સામે આવી છે. જેમાં એક યવુતીને લીફ્ટ આપવાના બહાને રીક્ષામાં બેસાડીને તેની સાથે દુષ્કર્મ આચર્યું હોવાની ફરિયાદ નોંધાતા ભારે હડકંપ મચી જવા પામ્યો છે.
વડોદરામાં યુવતી પર થયો ગેંગરેપ થયાની ફરિયાદ
વડોદરામાં એક યુવતીને લીફ્ટ આપવના બહાને રીક્ષામાં બેસાડી યુવતી સાથે દુષ્કર્મ આચર્યું હોવાની ફરિયાદ નોંધાઇ છે. 3 મહિના અગાઉ ગામની સીમમાં યુવતી સાથે દુષ્કર્મ થયું હતું. જે ઘટનાને છુપાવવા યુવતી વડોદરાથી મુંબઈ જતી રહી હતી.અનેત્યાં ઘરકામ કરીને પોતાના પરિવારનું ગુજરાન ચલાવતી હતી. આ ઘટનાના બાદ યુવતીના પેટમાં ત્રણ માસનો ગર્ભ રહી જતાં યુવતીએ મુંબઈમાં દુષ્કર્મની ફરિયાદ નોંધાવી હતી. જે બાદ મુંબઈ પોલીસ આ કેસને વડોદરાના ડભોઈ ખાતે ટ્રાન્સફર કરતાં ડભોઈ પોલીસે તપાસ શરૂ કરી હતી. જો કે, ગઈકાલે યુવતીનો મૃતદેહ કુરાલી ગામે કેનાલમાંથી મળી આવ્યો હતો. જે બાદ ડભોઈ પોલીસ સમગ્ર મામલે તપાસ શરૂ કરી છે.
દ્વારકાના ખંભાળિયામાં સગીરાનું અપહરણ
બીજી તરફ દ્વારકાના ખંભાળિયા તાલુકાના સોનારડી ગામેથી 16 વર્ષીય સગીરાનું અપહરણ કરાયું હોવાની ઘટના સામે આવી છે.જેમાં એક યુવકે સગીરાને લગ્નની લાલચ આપીને અપહરણ કરાયું હોવાની ફરિયાદ સગીરાના પિતાએ નોંધાવી છે. આ સમગ્ર મામલે ખંભાળિયા પોલીસે ફરિયાદ નોંધીને કાયદેસરની કાર્યવાહી હાથ ધરી છે.