વડોદરા પોલીસે ફતેગંજ વિસ્તારમાંથી ધ લંચ બોક્ષ નામના કાફેના નામે ચાલતાં કપલબોક્ષમાં રેડ કરી 7 યુગલોને પકડ્યા હતાં.
વડોદરામાંથી કપલ બોક્ષ પકડાયુ
ધ લંચ બોક્ષ કાફેમાં પોલીસે રેડ
ફતેગંજ વિસ્તારમાં ચાલતુ હતુ કપલ બોક્ષ
વડોદરાના ફતેગંજ વિસ્તારમાંથી કપલ બોક્ષ પકડાયું
વડોદરાના ફતેગંજ વિસ્તારમાં આવેલા ધ લંચ બોક્સ નામના એક કાફેમાં પ્રેમી પંખીડાઓને પ્રાઈવસી આપવામાં આવતી હોવાની આંશકાને લઈને પોલીસે દરોડા પાડીને કાર્યવાહી હાથ ધરી હતી. સયાજીગંજ પોલીસે રેડ કરી કપલ બોક્ષમાંથી 7 યુગલ પકડ્યા હતાં.
કાફેના દરવાજા પર લખ્યુ હતુ કે અહીં કપલને એકાંત મળશે
ફતેગંજ વિસ્તારમાં આવેલા ધ લંચ બોક્સ કાફે છેલ્લા ચાર મહિનાથી ચાલતું હતું. પોલીસે જ્યારે આ કાફે પર રેડ કરી ત્યારે કાફેના દરવાજા પર લખ્યુ હતું કે અહીં કપલને એકાંત મળશે. મહત્વનું છે કે, આ કાફેમાં 1 કલાકના રૂપિયા 250 વસુલાતા હતાં. તેમજ પોલીસના જણાવ્યા અનુસાર આ કાફેમાં રોજના 20 થી 25 કપવ આ કાફેની મુલાકાત લેતાં હતાં.પોલીસ તપાસમાં કપલ બોક્સ માં કોઈપણ વ્યક્તિ જોઈ ના શકે તેવી સવલત કરવામાં આવી હોવાનું તેમજ તેમાં કેમેરા પણ નહીં હોવાનું જણાઈ આવ્યું હતું.
Vtvના સળગતા સવાલ?
- વડોદરામાં હજુ કેટલા આવા ગેરકાયદે કપલ બોક્ષ ચાલે છે?
- પ્રતિબંધ હોવા છતાં કપલ બોક્ષ કેવી રીતે ચાલે છે?
- કપલ બોક્ષની આડમાં ચાલતા આ ગોરખધંધા ક્યારે બંધ થશે?
- કપલ બોક્ષના સંચાલકોને કેમ કાયદાનો કોઇ ડર નથી?
- કપલ બોક્ષના સંચાલકો વિરુદ્ધ દાખલારૂપ કાર્યવાહી ક્યારે થશે?