વડોદરામાં બોગસ ગ્રાહકો અને બોગસ દસ્તાવેજો બનાવી ચોલામંડલમ ફાઈનાન્સ કંપની સાથે 70 કરોડનું કૌભાંડ થયા હોવાનું સામે આવ્યું છે.
વડોદરામાં હોમ લોન કૌભાંડનો મોટો ઘટસ્ફોટ
ચોલામંડલમ ફાયનાન્સના કર્મીઓની કરતૂત
22 કર્મી અને એજન્ટોએ 34 બોગસ ગ્રાહકો ઉભા કર્યા
લોકોએ લોનના હપ્તા ન ભરતા સમગ્ર ભાંડો ફૂટ્યો
બોગસ ગ્રાહકો અને દસ્તાવેજો બનાવી તેના આધારે વડોદરાની ચોલામંડલમ ફાઇનાન્સ કંપની સાથે રૂપિયા 70 કરોડનું કૌભાંડ સામે આવ્યું છે. જેમાં ફાઇનાન્સ કંપનીના સેલ્સ મેનેજર સહિત સહિત 22 ભેજાબાજ સામે ગોત્રી પોલીસ સ્ટેશનમાં ફરિયાદ નોધાઇ છે.
વડોદરામાં હોમ લોન સોથી મોટું કૌભાંડ સામે આવ્યું છે.
વડોદરા સ્થિત ચોલામંડલમ ફાયનાન્સ કંપનીના સેલ્સ મેનેજર સહિત 22 કર્મીઓએ 34 બોગસ ગ્રાહકો ઉભા કરી ફાયનાન્સ કંપની પાસેથી 10 થી 23 લાખની લોન આપીને 70 કરોડનું કૌભાંડ આચર્યું છે. જેમાં બોગસ વેલ્યુએશનના રિપોર્ટસ પણ બનાવામાં આવ્યાં હતાં. આમ ભેજાબાજો દ્વારા ફૂટપાથ પર રહેતા લોકોના નામે કરોડોનું ફુલેકુ ફેરવ્યું છે. ઉલ્લેખનીય છે કે, લોકોએ લોનના હપ્તા ન ભરતા આ સમગ્ર ભાંડો ફૂટ્યો હતો.
ગોત્રી પોલીસે ફરિયાદ ન લેતા કંપનીએ કોર્ટનો સહારો લીધો
ઉલ્લેખનીય છે કે, હોમ લોનનું કૌભાંડ સામે આવાતાં ફાયનાન્સ કંપની અધિકારીઓએ આ મામલે ગોત્રી પોલીસ મથક લેખિતમાં ફરિયાદ આપવામાં આવી હતી ત્યાર બાદ નિવેદન નોંધાવી જરૂરી દસ્તાવેજી પુરાવા પણ રજૂ કરવામાં આવ્યાં હતાં. તેમ છતાં પોલીસે ફરિયાદ ન લીધી હતી.જેથી કંપનીએ કોર્ટનો સહારો લીધો હતો.
કોર્ટના હુકમ બાદ પોલીસે શખ્સો સામે કાર્યવાહી હાથ ધરી
ત્યારબાદ કોર્ટે પોલીસને હુકમ આ મામલે તાત્કાલિક ફરિયાદ નોધી કાર્યવાહી હાથ ધરવાનું કહેતાં પોલીસે આ મામલે ગુનો નોંધી સેલ્સ મેનેજર સહિત 22 શખ્સો સામે ગુનો દાખલ કાયદેસરની કાર્યવાહી હાથ ધરવામાં આવી છે. તપાસ દરમિયાન પોલીસે હોમ લોન કૌભાંડના મુખ્ય સૂત્રધાર સન્ની ઠક્કરને ઝડપી પાડી વધુ પુછ પરછ હાથ ધરી છે