ઉત્તરપ્રદેશમાં આયકર વિભાગને રિટાયર્ડ આઈપીએસના ઘરેથી 700 લોકર મળી આવ્યા છે. જેમા આઈપીએસના પરિવારની મહિલા મૈનસમ નોઈડા વોલ્ટ્સ નામની એજન્સી ચલાવી રહી હતી. જે એજન્સી લોકોને લોકર આપતી હતી. આયકર વિભાગને લોકર માંથી કરોડો રૂપિયા મળી આવ્યા છે.
ઉત્તરપ્રદેશમાં આયકર વિભાગને હાથે લાગી મોટી સફળતા
રિટાયર્ડ આઈપીએસના ઘરેથી મળ્યા 700 લોકર
રૂપિયા ગણતી વખતે મશીનો પણ હેન્ગ થઈ ગયા
ઉત્તરપ્રદેશના નોઈડામાં આવેલ સેક્ટર 50માં રિટાયર્ડ આઈપીએસના ઘરે આયકર વિભાગ દ્વારા દરોડા પાડવામાં આવ્યા જેમા તેમને મોટી સફળતા મળી છે. સૂત્રો દ્વારા એવી માહિતી સામે આવી છે કે ઘરમાં 700 જેટલા લોકર મૈનસમ નોઈડા વોલ્ટ્સ એજન્સી દ્વારા બનાવામાં આવ્યા છે. જેમા ઘણા બધા લોકરોમાં બેનામી સંપત્તિ હોવાના સંકેત છે.
5 કરોડ 77 લાખની રોકડ રકમ મળી
રેડ કરી તે સમયે ટીમ દ્વારા 10 એવા લોકોરોને કાપવામાં આવ્યા જેમા માલીકનું નામ કે સરનામું પણ સ્પષ્ટ નથી. સાંજ સુધીમાં અધિકારીઓને કુલ 5 કરોડ 77 લાખ રૂપિયા મળ્યા છે. જેટલી કેશ મળી આવી છે તે કેશને ગણવા માટે 3 મશીન મુકવામાં આવ્યા છે. સાંભળીને આપને નવાઈ લાગશે કે એટલા મોટા પ્રમાણમાં કેશ મળી આવી છે કે મશીનો પણ હેન્ગ થઈ રહી છે.
પહેલાજ દિવસે 14 લોકરો ખોલવામાં આવ્યા
આયકર વિભાગને જે માહિતી મળી હતી તેના આધારે તેમણે રેડ કરી અને પહેલાજ દિવસે તેમને ઘરમાંથી 16 લોકર મળી આવ્યા જેમાથી 14 લોકરની તપાસ કરીને તેના માલિકોની પૂછપરછ કરવામાં આવી છે. જોકે સૂત્રો દ્વારા એવી માહિતી સામે આવી છે કે કુલ 700 જેટલા લોકર ઘરમાં છે .જેમાથી રૂપિયા ગણતા ગણતા ટીમ પણ હેરાન થઈ ગઈ હતી.
દરેક લોકરના માલિકને બોલાવામાં આવ્યા
જોકે ટીમ દ્વારા લોકર બનાવતી કંપની પાસેથી દરેક લોકરનો કબ્જો મેળવી લીધો છે. દરેક લોકરના માલિકને ટીમ દ્વારા બોલાવીને ખોલવામાં આવી રહ્યા છે. સૂત્રો દ્વારા મળતી માહિતી પ્રમાણે ઘણા લોકરો એવા પણ મળ્યા છે જેના માલિક કોણ છે તેની કોઈ માહિતી નથી. જેથી તે લોકરોને કાપીને ખોલવામાં આવ્યા હતા.
80 ટકા લોકોરની તપાસ પૂર્ણ
આયકર વિભાગની કાર્યવાહી પણ મોડી રાત સુધી ચાલી હતી. સૂત્રો દ્વારા પ્રાપ્ત થતી માહિતી અનુસાર 80 ટકા લોકરોની તપાસ થઈ ચૂકી છે. જ્યારે 100 કરતા વધુ લોકોરોની તપાસ કરવાની હજુ પણ બાકી છે.
લોકરની એજન્સી આઈપીએસના પરિવારની મહિલાના નામે
ઉલ્લેખનીય છે સૂત્રો દ્વારા એવી માહિતી સામે આવી છે. રિટાયર્ડ આઈપીએસના ઘરમાં મૈનસમ નોઈડા વોલ્ટ્સ એજન્સી ચાલી રહી હતી જે શશિ નામની એક મહિલાના નામ પર હતી. તે મહિલા પણ રિટાયર્ડ આઈપીએસના પરિવારનીજ છે. જે પણ લોકરો ત્યા છે તે મોટા ભાગના લોકર આઈએએસ, આઈપીએસ,પીસીએસ, ડૉક્ટર અને વેપારીઓના હોવાનું સામે આવ્યું છે.