અમેરિકામાં એક નવા સ્વરુપનો કોરોના વાઈરસનો અત્યંત ઝડપથી ફેલાઈ રહ્યો છે. ઓેરેગન રાજ્યના વૈજ્ઞાનિકોએ કોરોનાનું આ નવું સ્વરુપ શોધી કાઢ્યું છે.
યુએસના ઓરેગન રાજ્યમાં કોરોનાનું નવું સ્વરુપ સામે આવ્યું
અત્યાર સુધી આ પ્રકારના કોરોનાનો એક કેસ
નવો કોરોના સમૂદાયોમાં ફેલાયો
કોરોનાના આ નવા સ્વરુપે સૌથી પહેલી વાર બ્રિટનમાં દેખા દીધી હતી. પરંતુ સૌથી ચિંતાનજક વાત એ છે કે આ નવા પ્રકારનો કોરોના મ્યુટેશન સાથે મળી રહ્યો છે અને તે પર રસીની નહિવત અસર થવાની સંભાવના છે.
સંશોધકોને અત્યાર સુધી તો આ પ્રકારના કોરોનાનો એક કેસ મળ્યો છે પરંતુ જેનેટિક પૃથ્થકરણમાં એવું ફલિત થયું છે કે આ નવું સ્વરુપ સમૂદાયમાં ફેલાયું છે અને તે કોઈ દર્દીમાં જોવા મળ્યો નથી.
ઓરેગન હેલ્થ એન્ડ સાયન્સ યુનિવર્સિટીના બ્રાયન ઓ રોકે જણાવ્યું કે અમે આ પ્રકારના કોરોનાને દુનિયાના બીજા ભાગમાંથી લાવ્યા નથી પરંતુ આ અચાનક સામે આવ્યું છે. રોક અને તેમના સાથી સેન્ટર ફોર ડિસીઝ કન્ટ્રોલ એન્ડ પ્રિવેન્શનની સાથે વેરિએન્ટ્સને ટ્રેક કરવાનું કામ કરી રહ્યાં છે. તેમણે આ શોધ બાદ તેના ડેટા વૈજ્ઞાનિકોને આપી દીધા છે.
બ્રિટનમાં ઓળખી કાઢવામાં આવેલા બી.1.1.7 નામના નવા સ્વરુપનો કોરોના અમેરિકામાં ઝડપથી ફેલાઈ રહ્યો છે અને 46 રાજ્યોમાં ઓછામાં ઓછા 2500 કેસની ધારણા છે. આ વાઈસ મૂળ વર્ઝન કરતા વધારે ઘાતકી અને ચેપી છે.
ઓેરેગનમાં દેખા દેનાર કોરોનાનું નવું સ્વરુપ E484K મ્યુટેશન ધરાવે છે. સાઉથ આફ્રિકામાં થયેલી લેબ સ્ટડી એન્ડ ક્લિનિકલ ટ્રાયલમાં એવું જણાવાયું હતું કે E484K મ્યુટેશન શરીરની રોગપ્રતિકાર શક્તિને નબળી પાડીને હાલની રસીને ઓછી અસરકારક બનાવે છે.