અમેરિકાના કેલિફોર્નિયા રાજ્યમાં ચિપમન્ક્સ નામના સજીવો પ્લેગ રોગથી પોઝિટિવ જોવા મળ્યા છે. મોટાભાગના સજીવો પ્લેગથી સંક્રમીત થતાં સમગ્ર રાજ્યમાં હડકંપ મચી ગયો છે.
બેક્ટેરિયમ યર્સિનિયા પેસ્ટિસથી નામના બેક્ટેરિયાથી ફેલાય છે પ્લેગ
ઉંદરો, ખિસકોલીઓ અને ચિપમન્ક્સ જેવા સજીવોથી ફેલાય છે પ્લેગ
કેલિફોર્નિયા 6 ઓગસ્ટથી લોકોને કેલાક વિસ્તારોમાં ફરવા પર પ્રતિબંધ
તાજેતરમાં સાઉથ લેક તાહોમાં ઉંદરો, ખિસકોલી અને અન્ય ઉંદર જેવી પ્રજાતિઓ જેવા સજીવોની તપાસ કરવામાં આવી હતી. તપાસનો રિપોર્ટ સ્થાનિક સમાચાર પત્રો અને મીડિયા સંસ્થાઓમાં પ્રકાશિત કરવામાં આવ્યો છે. આ રિપોર્ટ અનુસાર કેલિફોર્નિયા રાજ્યની સરકાર અને સ્થાનિક વહીવટીતંત્રે કેટલાક વિસ્તારોને 6 ઓગસ્ટથી બંધ કરવાનો નિર્ણય લીધો છે. જેથી તે વિસ્તારોમાં માણસોની અવરજવર ન થાય તેમાં પ્રખ્યાત પર્યટન સ્થળો સાઉથ લેક તાહો, કિવા બીચ અને ટેલર ક્રીક વિસ્તારોને પર્યટકો માટે બંદ કરવામાં આવશે.
પ્લેગ ફેલાવનાર સૂક્ષ્મજીવ સૌથી વધારે જોવા મળે છે લેક તાહોમાં
એક રિપોર્ટ અનુસર પ્લેગનું સંક્રમણ ફેલાવનાર બેક્ટેરિયમ યર્સિનિયા પેસ્ટિસ સામાન્ય રીતે કેલિફોર્નિયાના કેટલાક વિસ્તારોમાં જોવા મળે છે. તે સૌથી વધારે એલ ડોરાડો કાઉન્ટીની દક્ષિણ લેક તાહોમાં જોવા મળે છે. ગત વર્ષે સાઉથ લેક તાહો વિસ્તારમાં એક વ્યક્તિ પ્લેગથી સંક્રમિત થયો હતો. છેલ્લા પાંચ વર્ષમાં આ પ્રથમ કેસ નોંધાયો હતો.
ઉંદરો, ખિસકોલીઓ અને ચિપમન્ક્સથી ફેલાય છે પ્લેગ
વર્ષ 1300માં પ્લેગને કારણે યુરોપમાં બ્લેક ડેથનો સંક્રમણ ફેલાયો હતો. જોકે આજના સમયમાં પણ પ્લેગથી સંક્રમિત બહુ ઓછા કેસ નોંધાય છે. કારણ કે આજના સમયમાં પ્લેગની સારવાર થઈ શકે છે. સેન્ટર ઓફ ડિઝીઝ કંટ્રોલ એન્ડ પ્રીવેનટેશન (CDC) અનુસાર, અમેરિકામાં દર વર્ષે પ્લેગના લગભગ સાત કેસ નોંધાય છે. મોટાભાગના કેસ ન્યૂ મેક્સિકો, ઉત્તરી એરિઝોના, દક્ષિણ કોલોરાડો, કેલિફોર્નિયા, દક્ષિણ ઓરેગોન અને પશ્ચિમ નેવાદાના સુદૂર વિસ્તારોમાં જોવા મળે છે. CDC અનુસાર, 1990થી હજી સુધી પ્લેગના સૌથી વધુ કેસ આફ્રિકામાં જોવા મળ્યા છે. આ રોગ રોડેન્ટસ જેવા ઉંદરો દ્વારા ફેલાય છે. ખાસ કરીને પ્લેગ ઉંદરો, ખિસકોલીઓ, ચિપમન્ક્સ અને તેમની આસપાસ ઉડતી માખીઓથી ફેલાય છે. માણસોમાં પ્લેગનું સંક્રમણ સજીવોની નજીક ફરતી માખીઓના કરડવાથી થાય છે. અથવા ઉંદરો અને ખિસકોલીઓના શરીરના પેશીઓ અથવા શરીરથી નીકળતા પ્રવાહીના સંપર્કમાં આવવાથી પણ માણસોમાં પ્લેગથી સંક્રમિત થાય છે.
કઈ રીતે ટાળી શકાય છે પ્લેગનું સંક્રમણ ?
એલ ડોરાડો કાઉન્ટીના પબ્લિક હેલ્થ ઓફિસર ડો.બોબ હાર્ટમેને જણાવ્યું છે કે, લોકોને પર્યટન સ્થળો, કેમ્પગ્રાઉન્ડ એરિયા જેવા વિસ્તારોમાં ખિસકોલી, ઊંદરો અને ચિપમન્ક્સને ખોરાક ન ખવડાવવાની વિનંતી કરવામાં આવી છે. તે ઉપરાંત કોઈ બિમાર અથવા મૃત્યુ પામેલા સજીવોને ન અડવાની પણ વિનંતી કરવામાં આવી છે. ડો.બોબ હાર્ટમેને વધુમાં જણાવ્યું છે કે, લોકોને આવી પણ વિનંતી કરવામાં આવી છે કે તેઓ તેમના પાલતુ જાનવરોને ઉંદરો, ખિસકોલી અને ચિપમન્ક્સથી દૂર રાખાવાનો પ્રયત્ન કરે. માઉસ ટ્રેપ કરવાના સાધનો સ્થાપિત કરો. લંબ પેન્ટ્સ પહેરો. કીડા અને માખીઓને મારવાવાળા સ્પ્રેનો ઉપયોગ કરો. તે ઉપરાંત, એવી જગ્યાઓથી દૂર રહો જ્યાં તમને આ જીવો હોવાની અથવા તેમની આસપાસ ફરતી માખીઓ આશંકા હોય.
6 ઓગસ્ટથી લોકોને આ વિસ્તારોમાં ફરવા પર પ્રતિબંધ
કેલિફોર્નિયાના અધિકારીઓએ કહ્યું છે કે પ્લેગ સંક્રમણનો ભય હોય તેવા સ્થળોએ લોકોને જતા રોકવાનો આદેશ જાહેર કરવામાં આવ્યો છે. 6 ઓગસ્ટથી લોકોને આ વિસ્તારોમાં ફરવા પર પ્રતિબંધ રહેશે. કેલિફોર્નિયા આરોગ્ય વિભાગ અને સ્થાનિક વહીવટીતંત્રે નક્કી કર્યું છે કે તેઓ હવે અન્ય વિસ્તારોમાં પણ આ સજીવોને લઈ સર્વે કરશે. જેથી સમગ્ર રાજ્યમાં પ્લેગની સ્થિતિનો તાગ કરી શકાય. ઉપરાંત, કોરોના યુગ દરમિયાન, અન્ય રોગોના ફેલાવાને કારણે મુશ્કેલી વધશે, તેથી અમેરિકાની સરકાર અન્ય તમામ પ્રકારના રોગના સંક્રમણને ફેલાવાથી રોકવા ઈચ્છે છે.
બાયો વેપન્સ તરીકે થતો હતો પ્લેગ રોગના બેક્ટેરિયાનો ઉપયોગ
પ્લેગ રોગ આજના સમયમાં બહુ ઓછા લોકોને સંક્રમિત કરે છે. તેમાં તાવ, નબળાઈ અને માથાનો દુખાવો જેવા લક્ષણોનો સમાવેશ થાય છે. જો કોઈ પ્લેગથી સંક્રમિત હોય તો પણ તેનાથી મૃત્યુનું જોખમ માત્ર 10 ટકા છે. સામાન્ય રીતે દર વર્ષે સમગ્ર વિશ્વમાં પ્લેગના લગભગ 600 કેસ નોંધાય છે. પ્લેગ રોગના બેક્ટેરિયા અને તેનાથી સંક્રમિત સજીવોનો ઉપયોગ પહેલાના સમયમાં જૈવિક શસ્ત્રો તરીકે પણ કરવામાં આવતો હતો. ચીન અને મધ્યયુગીન યુરોપમાં એવા કેટલાક જૂના દસ્તાવેજો છે, જેમાં પ્લેગ દ્વારા મૃત્યુ પામેલા સજીવોના મૃતદેહોનો ઉપયોગ બાયો વેપન્સ તરીકે કરવામાં આવતો હતો. હુન્સ, મોંગોલ, ટર્ક્સ લોકો તેનો સૌથી વધુ ઉપયોગ કરતા હતા.