તૂર્કી અને સીરિયામાં વિનાશકારી ભૂકંપ બાદ જમીન પર રેસ્ક્યૂ ઓપરેશનને તેજ કરી દેવાયું છે. ઑસ્ટ્રિયાની સેના પણ લોકોને બચાવવાનું કામ કરી રહી હતી પરંતુ હવે તેમની તરફથી રેસ્ક્યૂ ઓપરેશનને સસ્પેન્ડ કરી દેવામાં આવ્યું છે.
ઑસ્ટ્રિયાની સેનાએ રેસ્ક્યૂ કામ કર્યું બંધ
સુરક્ષાની ચિંતાને કારણે ઓપરેશનને કરાયું સસ્પેન્ડ
ટીમને હાલમાં બેઝ કેમ્પમાં રખાયું છે
તૂર્કી અને સીરિયામાં વિનાશકારી ભૂકંપ બાદ જમીન પર રેસ્ક્યૂ ઓપરેશન પૂરજોશમાં ચાલી રહ્યું છે ત્યારે ઑસ્ટ્રિયાની સેના પણ ત્યાં લોકોને બચાવવાનું કામ કરી રહી છે. પરંતુ હવે તેમની તરફથી રેસ્ક્યૂ મિશનને અટકાવી દેવામાં આવ્યું છે. કેટલીક અથડામણને કારણે ઑસ્ટ્રિયાને પોતાની સેનાની ચિંતા થતાં આ મિશનને સસ્પેન્ડ કરવાનો નિર્ણય જાહેર કર્યો છે.
સુરક્ષાને લઈને ચિંતિત
હાલમાં ઑસ્ટ્રિયાની સેનાને બેઝ કેમ્પમાં રોકાવા માટે કહેવામાં આવ્યું છે. કેટલાક અન્ય સંગઠનોની સાથે ટીમ ત્યાં હાજર છે અને અત્યારે તે કોઈ રેસ્ક્યૂ મિશન નથી ચલાવી રહી. આ વિષય પર ખુલીને બોલવામાં આવ્યું નથી પરંતુ સુરક્ષાને લઈને ચિંતા વ્યક્ત કરવામાં આવી છે. આ સમયે અન્ય દેશોની સેના પણ તૂર્કીની મદદે છે. ભારતની તરફથી પણ NDRFની ટીમો ત્યાં રેસ્ક્યૂનું કામ કરી જ રહી છે.
ક્યાં-ક્યાંથી મળી છે મદદ?
વર્લ્ડ બેંકે તૂર્કીને 1.78 બિલિયન ડોલર આપવાનું એલાન કર્યું છે. તો અમેરિકાએ તૂર્કી અને સીરિયાની મદદ માચે 85 મિલિયન ડોલરની સહાયતા ફાળવવાની ઘોષણા કરી છે. ભારત પણ સતત વધારે મદદ આપવાનું આશ્વાસન આપી રહ્યું છે. ભારત તરફથી સતત વિમાન મારફતે મદદ પહોંચાડવામાં આવી રહી છે.