નશેડી / ગુજરાતના આ ગામમાં ઘરના ફળિયામાં ગાંજાનું વાવેતર પકડાયું, પોલીસે શરૂ કરી તપાસ

• ઘરમાં વ્યસન માટે વાવ્યો હતો ગાંજો
• જેતપુરનો આ યુવક વેચતો હતો કે નહિ ? 
• પોલીસ ગંજેરીની કરી રહી છે પૂછ પરછ 

ગુજરાત અને સૌરાષ્ટ્રમાં રેકર્ડ બ્રેક ડ્રગ્સનો કાળો કારોબારના પડઘમ વાગે છે અને કરોડો રૂપિયાના ડ્રગ્સ ઝડપાઇ રહ્યા છે ત્યારે, હવે રાજકોટ જિલ્લા ના નાના ગામડામાં પણ ડ્રગ્સના રવાડે ચડતું હોય તેવું સામે આવી રહ્યું છે જેનો મોટો દાખલો છે જેતપુર તાલુકાના આરબટિમડી ગામ માં ગાંજાનું વાવેતર પકડાયું અને તે પણ ગામના રહેવાસી વિસ્તારના ઘરમાંથી.

થોડા દિવસ પહેલા રાજકોટ SOG દ્વારા જેતપુર તાલુકાના આરબટીમડી ગામના એક ઘરમાંથી ગાંજાના વાવેતર પકડી પાડ્યું હતું, જેમાં ગામના રહેવાસી એવા મુકેશ જમનભાઈ ઠુંમર નામના વ્યક્તિ ને પણ પકડી પાડવામાં આવ્યો છે, મુકેશ જમનભાઈ ઠુંમરે તેના ઘરના ફળિયામાં જ ગાંજાનું વાવેતર કરી નાખ્યું હતું, 

ઘરના ફળીયામાં જ વાવેતર 

થોડા દિવસ પહેલા જ રાજકોટ SOG ને આરબટીમડી ગામમાંથી ખાનગી બાતમી મળી હતી કે મુકેશના ઘર પાસેથી કંઈક અલગ સુગંધ આવે છે, જેને લઈએ ને રાજકોટ SOG એ મુકેશના ઘરની તપાસ લીધી હતી જેમાં મુકેશના ઘર ના ફળિયામાં જ ગાંજાનું વાવેતર મળી આવ્યું હતું, SOG દ્વારા અંદાજિત 7કિલો 20 ગ્રામ ગાંજો અહીં થી પકડી પાડેલ હતો, અને સાથે મુકેશ ને પણ પકડી પાડ્યો હતો, SOG ની પ્રાથમિક તપાસમાં અને મુકેશેના જણાવ્યા મુજબ તેણે આ ગાંજો અહીં પોતાના વ્યસન માટે વાવ્યો હોવાનું કહ્યું હતું, 

પોલીસ તપાસ જારી 

પરંતુ જે રીતે અહીં થી મોટી માત્રા માં ગાંજાના છોડ મળી આવ્યા છે તે જોતા આ ગાંજો તે કોઈને  વેચાતો હતો કે નહિ તે પણ તપાસનો વિષય છે, સાથે એપણ છે કે ગાંજાના છોડમાંથી અનેક બીજા પણ નશીલા પદાર્થો બને છે તે જોતા આ ગાંજો તે અન્ય ને વેચાતો હતો કે નહિ તે પણ પોલીસ માટે તપાસનો વિષય છે અને પોલીસ આ દિશામાં તપાસ પણ કરી રહી છે