અનોખી સુંદરતા / આ મંદિરમાં છે સૂર્યનારાયણની ત્રણ મૂર્તિ, ખુદ કૃષ્ણ ભગવાનના પુત્રએ રોગને દૂર કરવા કરી હતી તપસ્યા

• કોણાર્ક સુર્યમંદિર સાથે જોડાયેલી અજાણી વાતો
• છઠપૂજાનું અહીં છે અનેરુ મહત્વ 
• કેવી રીતે પહોંચશો કોણાર્ક મંદિર 

ભારતમાં અનેક સુર્ય મંદિર છે અને તેમાંનું એક છે કોણાર્કનું સુર્યમંદિર, આ મંદિરની કેટલીક વિશેષતા છે જે જાણીને તમને પણ નવાઇ લાગશે. 

કોણાર્ક સાથે જોડાયેલ વાતો

• 
  કોણાર્કના આ મંદિરને યુનેસ્કોએ વિશ્વની ધરોહરના રૂપમાં સામેલ કર્યુ છે. આ મંદિર દેખાવે સુંદર હોવાની સાથે વાસ્તુ શાસ્ત્રના હિસાબે પણ ખુબ ખાસ છે. 
• 
  લાલ બલુઆ પથ્થર અને કાળા ગ્રેનાઇટ પથ્થરથી 1236-1264માં ગંગ વંશના રાજા નૃસિંહદેવ દ્વારા બનાવવામાં આવ્યું હતું. આ મંદિરની ચર્ચા સમગ્ર વિશ્વમાં થાય છે.  
• 
  આ ભારતનું ભવ્ય સુર્ય મંદિર છે, કારણકે સુર્ય સાક્ષાત દેવ છે, જેમના વગર આ સૃષ્ટી પર જીવન શક્ય નથી. માટે આપણે તેમના દર્શન મંદિરમાં કરીએ છીએ. 
• 
  આ મંદિરમાં ભગવાન સૂર્યનારાયણની ત્રણ મૂર્તિ છે. બાલ્યાવસ્થા એટલેકે ઉદિત સુરજ, યુવાવસ્થા એટલે કે મધ્યાહ્ન સૂર્ય અને પ્રૌઢાવસ્થા એટલે કે અસ્ત સૂરજ 
• એક કથા અનુસાર શ્રીકૃષ્ણના પુત્ર સાંબને કોઢ રોગ થઇ ગયો હતો. ત્યારે સાંબે બાર વર્ષ સુધી કોણાર્કમાં તપસ્યા કરીને સૂર્યદેવને પ્રસન્ન કર્યા હતા. સૂર્યદેવના આશીર્વાદથી સાંબ પહેલા જેવા થઇ ગયા હતા.

ક્યાં છે આ મંદિર 
આ મંદિક ભારતના પૂર્વ રાજ્ય ઓડિશાના પૂરી જિલ્લામાં 21 મીલ ઉત્તર પૂર્વ તરફ ચંદ્રભાગા નદીના કિનારે કોણાર્કમાં સ્થિત છે. 

કોણાર્ક મંદિર કેવી રીતે જશો 
કોણાર્કનું મંદિર ઓડિશામાં સ્થિત છે પરંતુ ભુવનેશ્વર અને પુરીનો રસ્તો પણ ત્યાં જાય છે તો કેટલાક રસ્તા છે જેના દ્વારા તમે ત્યાં જઇ શકો.

ફ્લાઇટ દ્વારા
જો તમે ફ્લાઇટ દ્વારા જવાનુ વિચારી રહ્યાં છો તો ભુવનેશ્વર એરપોર્ટ પહોંચી શકો છો ત્યાંથી કોણાર્ક માત્ર 64 કિમી જ છે. 

રેલ્વે 
કોણાર્કની આસપાસ કોઇ જ રેલ્વે સ્ટેશન નથી, તો જો તમે રેલ્વે દ્વારા જવાનુ વિચારો છો તે તમારે પુરી રેલ્વે સ્ટેશન પર ઉતરવું પડશે. ત્યાંથી કોણાર્ક 31 કિમી જ દુર છે 

રોડ 
રાજ્ય દ્વારા જનારી બસો ઓડિશા અને અન્ય રાજ્યોને જોડે છે. ભુવનેશ્વર અને પુરીથી કોણાર્ક માટે પ્રાઇવેટ બસ સર્વિસ ઉપલબ્ધ છે.