ગજબ / રબ ને નહીં, સબ ને બના દી જોડી, અહીં ગામ બન્યા પતિ-પત્ની, 'પ્રેમકહાની' જાણીને ખુશીથી ઝુમી ઉઠશો

• રાજસ્થાનના ઝાલાવાડા જીલ્લામાં છે આ 44 ગામ 
• એક બીજાના પાર્ટનર માનવામાં આવે છે આ ગામોને 
• એક ગામ મેલ તો પાડોશી ગામ ફીમેલ 

આજે એટલે કે 14 ફેબ્રુઆરીના રોજ દુનિયાભરમાં વેલેન્ટાઈન ડે મનાવવામાં આવી રહ્યો છે. આજના દિવસને લોકો પ્રેમનો દિવસ માને છે. આ દિવસે પોતાના પાર્ટનરને પ્રેમ ભરેલા વચનો આપે છે. તમે ઘણી અમર પ્રેમ વાર્તાઓ સાંભળી હશે, પરંતુ આજે અમે તમને એક જગ્યા વિષે જણાવવા જઈ રહ્યા છીએ, જ્યાં માણસો નહિ, પરંતુ ઘણા ગામો એકબીજાના પાર્ટનર છે. આ ગામોને જોડીઓના રૂપમાં જોવામાં આવે છે. એટલે જો એક ગામનું નામ સ્ત્રીલિંગ છે તો આ જ નામની સાથે બીજા ગામનું નામ પુલ્લિંગ છે. આવો આ ગામો વિષે વિસ્તારમાં માહિતી મેળવીએ. 

જીલ્લાના 44 ગામોની બનાવાયેલ છે જોડી 
રિપોર્ટ્સ અનુસાર, આ ગામો રાજસ્થાનના ઝાલાવાડા જીલ્લામાં છે. ઝાલાવાડ કેવળ સંતરા ઉત્પાદન માટે નહિ, પરંતુ આ જીલ્લાના 44 ગામોની પણ એક અલગ ઓળખાણ છે. આ 44 ગામ જોડીઓના રૂપમાં જોવામાં આવે છે. અહીના વૃદ્ધોનું કહેવું છે કે પ્રાચીનકાળમાં જયારે એક મોટું ગામ વસેલું હતું, તો તેને પુલ્લિંગના નામથી ઓળખવામાં આવતું હતું. આવામાં તે જ ગામની પાસે કોઈ નાનું ગામ વધારે આબાદ થતું તો વૃદ્ધોએ બંને ગામના લોકોમાં આપસી ભાઈચારો વધારવા માટે તેને સ્ત્રીલિંગના નામથી ઓળખાણ આપી. 

એકનું નામ મેલ તો બીજાનું ફીમેલ 
રાજસ્થાનના ઝાલાવાડ જીલ્લાના ગામના નામોમાં આ જ ખાસિયત જોવા મળે છે. જીલ્લાની 8 પંચાયત સમિતિઓમાં 610 ગામ છે. આમાંથી, 44 ગામને જોડીઓના રૂપથી ઓળખાય છે. આવો આ ગામોના નામ જાણીએ

• બડ્બેલા-બડ્બેલી 
• ધાનોદા-ધનોદી 
• રલાયતા-રલાયાતી 
• ભીલવાડા-ભીલવાડી 
• કનવાડા-કનવાડી 
• ખરખેડા-ખરખેડી 
• ઉચાવદા-ઉચાવદી 
• ભૂમાડા-ભૂમાડી 
• દેવર-દેવરી 
• પથરિયા-પથરી 
• બરખેડા-બરખેડી 
• ચાડા-ચીડી 
• હતોલા-હતોલી 
• અલોદા-અલોદી 
• બાંસખેડા-બાંસખેડી 
• ચછલાવ-ચછલાઈ 
• સોયલા-સોયલી 
• સેમલા-સેમલી 
• દોબડા-દોબડી 

ગામવાસીઓમાં નથી થતો ઝઘડો કે મનમોટાવ 
ગામવાસીમોનું કહેવું છે કે જે ગામોને જોડીઓના રૂપમાં ઓળખવામાં આવે છે, તે ગામોના લોકો વચ્ચે ન તો ક્યારેય ઝઘડો થયો છે તથા ન મનમોટાવ. બધા ગામના લોકો એકબીજાની સાથે કદમથી કદમ મેળવીને ચાલે છે. સુખ-દુઃખમાં હંમેશા સાથે જ રહે છે.