હવામાન વિભાગની આગાહી મુજબ મેઘરાજા આજે ઉત્તર ગુજરાતને ઘમરોળશે, ઉત્તરના પાંચ જિલ્લાઓમાં અમુક કલાક 'ભારે'
આજે ઉત્તર ગુજરાતમાં ભારે વરસાદની આગાહી
આગામી 3 કલાક ભારે વરસાદની આગાહી
બનાસકાંઠા, મહેસાણામાં ભારે વરસાદની આગાહી
ગાંધીનગર, અરવલ્લીમાં ભારે વરસાદની આગાહી
રાજ્યમાં આજે ફરી એકવાર હવામાન વિભાગે ભારે વરસાદની આગાહી કરી છે. હવામાન વિભાગની આગાહી મુજબ મેઘરાજા આજે ઉત્તર ગુજરાતને ઘમરોળશે. આગાહી મુજબ આગામી 3 કલાકમાં ઉત્તર ગુજરાતના બનાસકાંઠા, મહેસાણા, અરવલ્લી અને ગાંધીનગર જિલ્લામાં ભારે વરસાદ પડશે. નોંધનીય છે કે, ચાલુ વર્ષે ઉત્તરમાં કઈં ખાસ વરસાદ પડ્યો નથી. જેથી આજની આગાહીને લઈ ખેડૂતોના ચહેરા ઉપર પણ ચમક જોવા મળી છે.
ઉત્તર ગુજરાતમાં ભારે વરસાદની આગાહી
હવામાન વિભાગની આગાહી મુજબ આજે ઉત્તર ગુજરાતમાં ભારે વરસાદ આવશે. આગામી 3 કલાક ઉત્તર ગુજરાત માટે ભારે ગણી શકાય. હવામાને ઉત્તરના બનાસકાંઠા, મહેસાણા, અરવલ્લી અને ગાંધીનગર જિલ્લામાં ભારે વરસાદની આગાહી કરી છે. જોકે આજે વહેલી સવારથી જ ઉત્તર ગુજરાતના અનેક વિસ્તારોમાં ધીમી ધારે વરસાદ શરૂ થયો હતો. જે બાદમાં હાલ અનેક વિસ્તારોમાં વરસાદ શરૂ થઈ ગયો છે.
રાજ્યના 79 તાલુકામાં વરસાદ
આજે સવારે 6 થી 8 સુધીમાં 79 તાલુકામાં વરસાદ પડ્યો છે. જેમાં સૌથી વધુ મહીસાગરના સંતરામપુરમાં 1.5 ઈંચ વરસાદ, શહેરામાં 1 ઈંચ, કડાણામાં 1 ઈંચ વરસાદ, મોરવા હડફમાં 1 ઈંચ, ઉમરપાડામાં 15 મી.મી વરસાદ, પેટલાદમાં 15 મી.મી, નડિયાદમાં 13 મી.મી વરસાદ અને માંગરોળમાં 13 મી.મી, કપરાડામાં 13 મી.મી વરસાદ આવ્યો છે.
વરસાદના કારણે ચીકુ, કેરી, મગફળી જેવાં પાકને મોટું નુકસાન
રાજ્યમાં દક્ષિણ ગુજરાત અને સૌરાષ્ટ્રમાં વરસાદગ્રસ્ત વિસ્તારોમાં પાકની નુકશાનીનો સર્વે કરાશે. દક્ષિણ ગુજરાતમાં બાગાયતી પાકને થયેલા નુકશાનીનો પણ સર્વે કરાશે. આ વિસ્તારોમાં ભારે વરસાદથી ચીકુ, કેરી, મગફળી, કેળ અને તેલીબિયાંના પાકને મોટું નુકસાન થયું છે. ત્યારે સર્વે થઈ ગયા બાદ તંત્ર દ્વારા કેટલું પેકેજ જાહેર કરવામાં આવશે તેના પર સૌ ખેડૂતોની નજર મંડરાયેલી રહેશે.