મદદ / અમેરિકામાં સરકારે એટલું મોટું રાહત પેકેજ જાહેર કર્યુ કે નાગરિકોને રોજના મળશે રૂ.6000

• અમેરિકામાં જાહેર કરવામાં આવ્યું રાહત પેકેજ 
• દર અઠવાડિયે 600 ડોલર જેટલી સહાય ચૂકવાશે 
• નવા રાષ્ટ્રપતિ જો બાયડન પણ આ પેકેજના સમર્થનમાં

કોરોના રોગચાળાને કારણે વિશ્વના ઘણા મોટા દેશોની અર્થવ્યવસ્થાની હાલત કથળી ચૂકી છે. અમેરિકા ની સંસદ ગૃહ દ્વારા આ મહામારીથી પ્રભાવિત થયેલા લોકો માટે એક મોટા રાહત પેકેજની જાહેરાત કરી છે. તેઓએ લગભગ 900 અબજ ડોલર એટલે કે લગભગ 72 લાખ કરોડ રૂપિયા જેટલી રકમનું રાહત પેકેજ જાહેર કર્યું છેઓ, તેનો ઉપયોગ કામદારો, વેપારીઓ અને અન્ય જરૂરિયાતવાળા લોકોને મદદ કરવા માટે કરવામાં આવશે. 

શાળા, વેપાર અને સ્વાસ્થ્ય ક્ષેત્રને મળશે વધુ સહાયતા 

આ પેકેજ અંતર્ગત દર અઠવાડિયે બેરોજગારોને $ 300 એટલે કે અંદાજે 22000 રૂપિયાની સહાય અને જરૂરિયાત વાળા વર્ગને દર અઠવાડિયે  $ 600 એટલે કે 44000 રૂપિયાની સહાય આપવામાં આવશે. નવી જોગવાઈઓ હેઠળ વ્યવસાયો, શાળાઓ અને આરોગ્ય સેવાઓને સૌથી મદદ કરવામાં આવશે. 

નવી જોગવાઈઓ હેઠળ વ્યવસાયો, શાળાઓ અને આરોગ્ય સેવાઓને સૌથી વધુ પ્રભાવિત થશે. આ રાહત પેકેજ અંગે લાંબી ચર્ચા ચાલી હતી. નવા ચૂંટાયેલા રાષ્ટ્રપતિ જો બાયડને કોરોના વાયરસ રોગચાળાથી અસરગ્રસ્ત લોકોને મદદ કરવા અને અર્થવ્યવસ્થાને વેગ આપવાના હેતુથી આ પેકેજના અમલના પક્ષમાં હતા.

20મી જાન્યુઆરીએ જો બાયડન શપથ ગ્રહણ કરશે 

અમેરિકા ના નવનિયુક્ત રાષ્ટ્રપતિ જો બાયડન 20મી જાન્યુઆરીએ 46 મા યુએસ રાષ્ટ્રપતિ તરીકે શપથ લેશે. આ દરમિયાન, બાયડને પણ સત્તા સંભાળવાની તૈયારી શરૂ કરી દીધી છે. તેમણે કહ્યું કે એક મહિનામાં અમે બધુ બરાબર કરવાનું શરૂ કરીશું. બાયડને પણ કોરોના રિલીફ પેકેજને અમેરિકન લોકો માટે રાહત લાવનારું કહ્યું હતું.