કોરોનાનો કહેર અમેરિકા સતત વધી રહ્યો છે. અમેરિકામાં 24 કલાકમાં 681 લોકોના મોત નિપજ્યા છે. જેને પગલે અહીં મુત્યુંઆંક 3165એ પહોંચ્યો છે. જે ઈટલી, ફ્રાન્સ અને ચીન પછીનો સૌથી વધારે છે. અમેરિકામાં મોતનો રેસિયો એટલો ઝડપી વધી રહ્યો છે કે તે ગણતરીના કલાકનોમાં ચીનના આંકડાને પાછળ પાડી દેશે. ઉલ્લેખનીય છે કે કોરોનાના કેસ મુદ્દે અમેરિકા ચીનથી આગળ નીકળી ગયું છે.
અમેરિકામાં સતત કેસમાં વધારો થઈ રહ્યો છે. 24 કલાકમાં અમેરિકમાં 22, 183 નવા કેસ આવ્યા છે. જે અત્યાર સુધીના સૌથી વધારે કેસ છે. અમેરિકામાં એક જ દિવસમાં 681 એટલે કે 700ની આસપાસ લોકોના જીવ ગયા છે. અમેરિકાએ મલેરિયાની દવાનો ઉપયોગ કરવાની છુટ સુદ્ધા આપી દીધી છે. તેમણે સ્પેનિશ ફ્લૂમાં ઉપયોગમાં લેવાયેલી થેરાપીનો ઉપયોગ પણ શરુ કર્યો છે. જોકે તેને કેટલું રિઝલ્ટ મળી રહ્યું છે તેનો કોઈ અંદાજો આવી રહ્યો નથી.
અમેરિકામાં નવા કેસની સાથે કોરોના ગ્રસ્તનો આંક દોઢ લાખને પાર થઈ ગયો છે. અહીં કુલ 164, 253 લોકો કોરોના ગ્રસ્ત છે. જેમાંથી 155582 એક્ટિવ કેસ છે. જ્યારે સાજા થવાનો રેસિયો ઘણો ઓછો છે. અહીં કુલ 5506 લોકો સાજા થઈ ગયા છે. જ્યારે મરનારો આંક 3 હજારને પાર થઈ ગયો છે. અહીં કુલ 3165 લોકોના મોત નિપજ્યા છે.
ઉલ્લેખનીય છે કોરોનાને લીધે સૌથી વધારે મોત ઈટલીમાં થયા છે. અહીં કુલ 11591 લોકોના મોત નિપજ્યા છે. જ્યારે કુલ 101739 લોકો કોરોના ગ્રસ્ત છે. એ બાદ મોતના આંકડામાં બીજા નંબરે આવતા સ્પેન 7716 છે . ત્રીજા નંબરેચીનમાં 3305 લોકોના મોત નિપજ્યા છે. જ્યારે ફ્રાન્સમાં 3024 લોકોના મોત નિપજ્યા છે. ત્યારે જે રીતે અમેરિકામાં કેસ અને મોતની સંખ્યામાં વધારો થઈ રહ્યો છે તે જોતા વિશેષજ્ઞોનું માનવું છે કે અમેરિકા આ તમામ દેશને પાછળ છોડી દેશે.