મોટો ખતરો / શું ત્રીજી લહેરમાં ફરી બ્લેક ફંગસનો કહેર વર્તાશે ? આ શહેરમાં મ્યુકરમાઈકોસિસનો પહેલા કેસ નોંધાતા હડકંપ

• મુંબઈમાં ફરી બ્લેક ફંગસનો કેસ જોવા મળ્યો 
• ત્રીજી લહેરમાં ફરી મ્યુકરમાઈકોસિસનો પહેલો કેસ નોંધાયો 
• 72 વર્ષીય વૃદ્ધાને બ્લેક ફંગસ થતા તેની સર્જરી કરાઈ 

ભારતમાં વધતા ઓમિક્રોનના કેસની સાથે હવે ફરી મ્યૂકરમાઈકોસિસ એટલે કે બ્લેક ફંગસનો ભય ફેલાઈ રહ્યો છે. ગત વર્ષે બીજી લહેર વખતે આ ઈન્ફેકશનને કારણે દર્દીઓ ઘણા હેરાન થયા હતા. બ્લેક ફંગસને કારણે અમુક લોકોના મોત પણ થયા હતા. આ રોગમાં દર્દીને સમયસર ઈલાજ મળવો જરૂરી છે નહીતો તે મોતનું કારણ બની શકે છે. 

મુંબઈમાં નોંધાયો પહેલો કેસ 

ત્રીજી લહેરમાં ફરી મ્યુકરમાઈકોસીસનો એક કેસ મુંબઈમાં નોંધાયો છે. ગત વર્ષે ડેલ્ટા વેરિએંટને કારણે બીજી લહેર જવાબદાર હતી. ખાસ કરીને જે દર્દિઓને ડાયાબિટીસ હોય અને લાંબા સમય સુધી જે દર્દીઓને સ્ટેરોઈડ પર રાખવામાં આવે છે. તે લોકોમાં બ્લેક ફંગસની સમસ્યા સૌથી વધારે જોવા મળી હતી. ઉપરાંત નબળી રોગપ્રતિકારક શક્તિ અને જે લોકો વેન્ટિલેટર પર હતા તે લોકોમાં પણ આ રોગનું જોખમ જોવા મળ્યું હતું. 

શું મ્યુકરમાઈકોસિસના લક્ષણો ? 

મ્યુકરમાઈકોસિસના લક્ષણો વિશે વાત કરીએ તો આ રોગમાં નાક બંધ થઈ જતું હોય છે. ગળામાં દુખાવો થતો હોય છે. મોઢા પર સોજા આવી જાય છે. આ ઉપરાંત દાંત પણ હલી જતા હોય છે અને દર્દીને છાતીમાં દુખાવા જેવી સમસ્યાનો પણ સામનો કરવો પડે છે. 

વૃદ્ધાને 532 ઉપર ડાયાબિટીસ જતો રહ્યો 

મુંબઈમાં જે મ્યુકરમાઈકોસિસનો એક કેસ મુંબઈમાં નોંધાયો છે. જેમા 70 વર્ષીય વૃદ્ધ મહિલામાં આ રોગની ઝપેટમાં આવી ગઈ છે. ગત 12 જાન્યુઆરીએ તેને હોસ્પિટલમાં ખસેડવામાં આવી હતી અને તેનું સુગર લેવરવ 532 ઉપર જતું રહ્યું હતું. જેના કારણે તેમને ગંભીર સમસ્યાનો સામનો કરવો પડ્યો જોકે ધીરે ધીરે તેમનામાં પછી મ્યુકરમાઈકોસિસના લક્ષણો જોવા મળ્યા હતા. 

મહિલાની સર્જરી થતા હાલ તબિયત સારી 

ઉલ્લેખનીય છે કે ડૉક્ટરોએ તે મહિલાની ડિબ્રિડિમેંટ સર્જરી કરી અને મહિલાની તબિયત પહેલા કરતા સારી છે. જોકે દેશમાં હાલ જે રીતે કોરોનાના કેસ વધી રહ્યા છે તે એક ચિંતાનો વિષય બન્યો છે. પરંતુ બીજી લહેર વખતે જેટલી ઘાતક પરિસ્થિતી સર્જાઈ હતી તેવી પરિસ્થિતી ત્રીજી લહેરમાં નથી જે ઘણી સારી બાબત કહી શકાય.