રાજ્ય સરકારે ઓફલાઈન શિક્ષણની મંજૂરી આપતા હવે રાજ્યમાં તમામ શાળાઓમાં ઓફલાઈન શિક્ષણ કાર્ય શરૂ
આજથી રાજ્યમાં ધોરણ 9 થી 11ના વર્ગ શરૂ
50 ટકા ક્ષમતા સાથે ઓફલાઈન શિક્ષણ શરૂ થયું
સંમતિપત્રક પછી જ વિદ્યાર્થીઓને શાળામાં એન્ટ્રી
ગુજરાતમાં આજથી ઓફલાઈન શિક્ષણ શરૂ કરી દેવામાં આવ્યું છે, રાજ્ય સરકારે ઓફલાઈન શિક્ષણની મંજૂરી આપતા હવે રાજ્યમાં તમામ શાળાઓમાં ઓફલાઈન શિક્ષણ કાર્ય શરૂ કરી દેવામાં આવ્યું છે. ધોરણ 9થી 11ના તમામ વર્ગોમાં શિક્ષણ કાર્ય શરૂ કરવામાં આવતા વાલીઓમાં હજુ પણ કોરોનાને લઈ ડર અને નિરસતા જોવા મળી રહી છે.
આજથી રાજ્યમાં ધોરણ 9 થી 11ના વર્ગ શરૂ
જો કે શાળાઓમાં વિદ્યાર્થીઓને 50 ટકા ક્ષમતા સાથે ઓફલાઈન શિક્ષમને મંજૂરી આપવામાં આવી છે. જેમાં વાલીઓની સંમતિ જરૂરી છે. જ્યારે શાળાઓ દ્વારા પણ સમંતિપત્ર મળ્યા પછી જ વિદ્યાર્થીઓને શાળામાં એન્ટ્રી આપવામાં આવશે તેવું જણાવવામાં આવ્યું છે.
50 ટકા ક્ષમતા સાથે ઓફલાઈન શિક્ષણ શરૂ થયું
રાજ્યની મોટાભાગની સ્કૂલોમાં હજુ સુધી 50 ટકા પણ વિદ્યાર્થીઓના સંમતિપત્રકો આવ્યા નથી. સરકારે સ્કૂલ ખોલવાની તો મંજૂરી આપી છે પરંતું સ્કૂલોને વિદ્યાર્થીઓના વાલીઓની સંમતિ ફરજીયાત બનાવી છે. ત્યારે 50 ટકા વિદ્યાર્થીઓની હજુ પણ સંમતિ મળી નથી.જેને લઈ વાલીઓમાં અસમંજસતા જોવા મળી રહી છે.
વિદ્યાર્થીઓને શાળાએ મોકલવા વાલીઓની સંમતિ જરૂરી
મહત્વનું છે કે થોડા સમય પહેલા ધો. 12ના ઓફલાઈન વર્ગો શરૂ કરાયા હતા પરંતું વિદ્યાર્થીઓ સ્કૂલે જ નથી આવી રહ્યા. ક્યાંક ને ક્યાંક વાલીઓને હજુ કોરોનાનો ડર સતાવી રહ્યો હોવાથી ઓફલાઈન શિક્ષણમાં પાંખી હાજરી જોવા મળી રહી છે. કેટલાક વાલીઓ તો બાળકોનું વેક્સિનેશન ન થાય ત્યાં સુધી સંતાનોને સ્કૂલે મોકલવા તૈયાર નથી.ગુજરાત સહિત આ રાજ્યોમાં શાળાઓ શરૂ કરી દેવામાં આવી છે.
કયા કયા રાજ્યોમાં શાળાઓ શરૂ કરવામાં આવી છે
ગુજરાત
અહીં આજથી શાળાઓ ખુલશે. શાળામાં 50 ટકા વિદ્યાર્થીઓ સાથે ઓનલાઈન ક્લાસ પણ ચાલુ રખાશે. બાળકોને શાળાએ મોકલવા કે નહીં તે પેરન્ટ્સ નક્કી કરશે.
મધ્યપ્રદેશ
અહીં 11 અને 12મા ધોરણની શાળાઓ ખુલશે. 11ના વિદ્યાર્થીઓ મંગળવારે અને 12માના વિદ્યાર્થીઓને સોમવાર અને ગુરુવારે બોલાવાશે. 50 ટકા કેપેસિટી સાથે શાળાઓ શરૂ કરાશે. 5 ઓગસ્ટથી 9 અને 10માં ધોરણના ક્લાસ પણ શરૂ થશે. તેમને એક દિવસ છોડીને એક દિવસ બોલાવાશે.
ઓરિસ્સા
આજથી અહીં ધો. 10 અને 12ના ક્લાસ શરૂ કાશે. 50 ટકાની સંથ્યા સાથે ક્લાસ શરૂ થશે. ઓનલાઈન ક્લાસ પણ ચાલુ રહેશે. શાળા સવારે 10થી 1.30 સુધી ચાલુ રહેશે. બાળકોને તેમની ચિંતા છે અને તેમનું કહેવું છે કે પહેલા તેમને વેક્સિન મળે તે જરૂરી છે.
પંજાબ
અહીં આજથી ધો. 10 અને 12ની શાળાઓ શરૂ કરાશે. 50 ટકા વિદ્યાર્થીઓ સાથે પેરન્ટ્સની મંજૂરી સાથે વિદ્યાર્થીઓ આવી શકશે. ઓનલાઈન ક્લાસ ચાલુ રહેશે. સ્કૂલમાં એ જ ટીચર્સ અને સ્ટાફ આવી શકશે જેમને વેક્સિન લઈ લીધી છે.
નાગાલેન્ડ
અહીં આજથી હાયર સેકન્ડરી સ્કૂલ અને કોલેજ ચાલુ થશે. ટીચર્સ અને સ્ટાફે વેક્સિન લીધી હોય તે જરૂરી રહશે. વેક્સિન નથી લીધી કો દર 15 દિવસે કોરોના નેગેટિવ રિપોર્ટ આપવાનો રહેશે.
કર્ણાટક
અહીં આજથી શાળાઓ શરૂ કરાશે. તેમાં ડીગ્રી, પીજી, એન્જિનિયરિંગ અને પોલિટિકલ કોલેજ સામેલ છે. અહીં વેક્સિનનો એક ડોઝ લેનારા વિદ્યાર્થીઓને પ્રવેશ અપાશે. વિદ્યાર્થીઓ સિવાય સ્ટાફનું વેક્સિનેશન થયેલું જરૂરી રહેશે.