ભરતીનો નિર્ણય / નોકરીની ઊજળી તક! ગુજરાતની મોટી મનપાએ જાહેર કરી બમ્પર ભરતી

ગુજરાત સરકાર દ્વારા એક પછી એક ભરતીની જાહેરાત બહાર પાડવામાં આવી રહી છે. ત્યારે આજે સરકાર દ્વારા એક મોટો નિર્ણય લેવામાં આવ્યો છે. જી હાં રાજકોટનાં અગનીકાંડ બાદ ગાંધીનગર મહાનગર પાલિકાએ મોટો નિર્ણય કર્યો છે, ફાયર વિભાગમાં 108 નવી ભરતી કરવામાં આવશે. ચાર ઝોનનાં ચાર ફાયર સ્ટેશનોમાં ચીફ ફાયર ઓફિસર, સ્ટેશન ઓફિસર, સુપ્રિટેન્ડન્ટ, ફાયરમેન કમ ડ્રાઈવર અને ક્લાર્કની ભરતી કરાશે.

વિવિધ જગ્યાઓ પર ભરતી કરાશે

ગાંધીનગર મહાનગર પાલિકાની સ્ટેન્ડિંગ કમિટીમાં ફાયર વિભાગમાં નવી ભરતી કરવાનો નિર્ણય લેવાયો છે. જેમાં ચાર ઝોનના ચાર સ્ટેશનમાં ફાયર વિભાગની 108 નવી ભરતી કરવામાં આવશે. મળતી માહિતી મુજબ ચીફ ફાયર ઓફિસર, સ્ટેશન ઓફિસર, સુપ્રિટેન્ડન્ટ, ફાયરમેન કમ ડ્રાઈવર અને ક્લાર્કની ભરી કરવામાં આવશે.