બીજા તબક્કાના મતદાનને હવે ગણતરીના કલાકો બાકી છે ત્યારે ક્યાંક મતદારો હોડીમાં બેસી તો કોઈ લગ્ન પહેલા મતદાન કરવા પહોંચ્યું
સંતરામપુરમાં મતદારો હોડીમાં બેસી મતદાન કરવા પહોંચ્યા
ઇડરમાં વરરાજાએ લગ્ન પહેલા કર્યું મતદાન
BAPS સંસ્થાના સંતોએ બોચાસણમાં કર્યુ મતદાન
ઢોલ સાથે મતદાન કરવા નીકળ્યા ગ્રામજનો
ગુજરાત વિધાનસભા ચૂંટણીના બીજા તબક્કાના મતદાનને હવે ગણતરીના કલાકો બાકી રહ્યા છે. તેવામાં હવે મહીસાગર સંતરામપુર તાલુકાના કણજરા ગામેથી ટીમલા ગામે મતદાન કરવા માટે મતદારો હોડીમાં બેસી પહોંચ્યા હોવાનું સામે આવ્યું છે. આ સાથે સાબરકાંઠાના ઇડરમાં લોકશાહીના પર્વની રંગે ચંગે ઉજવણીમાં વરરાજાએ લગ્ન પહેલા મતદાન કર્યું છે. તો બોચાસણ બી.એ.પી.એસ સંસ્થાના સંતોએ પણ આજે મતદાન કર્યું છે. આ સાથે આજે પેટલાદના સિહોલ ગામે ઢોલ સાથે પ્રજા મતદાન કરવા નીકળી છે.
મતદારો હોડીમાં બેસી મતદાન કરવા પહોંચ્યા
મહીસાગર સંતરામપુર તાલુકાના કણજરા ગામેથી ટીમલા ગામે મતદાન કરવા માટે મતદારો હોડીમાં બેસી પહોંચ્યા છે. મતદાન કરવા મતદારો હોડીમાં 3 થી 4 કિલોમીટરનું અંતર કાપીને મતદાન મથકએ પહોંચ્યા હતા. જ્યાં અંતરિયાળ ગ્રામ્ય વિસ્તારોમાં પણ મતદારો મતદાનને લઈને ઉત્સાહી જોવા મળ્યા છે.
ઇડરમાં વરરાજાએ લગ્ન પહેલા કર્યું મતદાન
સાબરકાંઠામાં લોકશાહીના પર્વની રંગે ચંગે ઉજવણી વચ્ચે વરરાજાએ લગ્ન પહેલા મતદાન કર્યું છે. ઈડરના કનિક્ષભાઈ સોનીએ વોર્ડ નંબર 2માં મતદાન કર્યા બડ તેઓ પરણવા ગયા હતા.
આ સાથે લગ્ન પહેલા મતાધિકારનો ઉપયોગ કરી તમામને મત આપવા અપીલ કરી હતી.
BAPS સંસ્થાના સંતોએ કર્યુ મતદાન
બોચાસણ BAPS સંસ્થાના સંતોએ આજે બોચાસણ ખાતે મતદાન કરી મતદારોને લોકશાહીના આ ઉસત્વમાં મતદાન કરવા અપીલ કરી હતી. સ્વામીનારાયણ સંપ્રદાયના બોચાસણ BAPS મંદિરના સંતો એ આજે બોચાસણ ખાતે આવેલ હાઈસ્કૂલના મતદાન મથક ખાતે મતદાન કર્યું હતું. મતદાન બાદ સંતોએ લોકશાહીના ઉસત્વમાં કામ ધંધો છોડી મતદાન કરી લોકશાહીને મજબૂત બનાવવા અપીલ કરી હતી.
ઢોલ સાથે મતદાન કરવા નીકળ્યા ગ્રામજનો
પેટલાદના સિહોલ ગામે ગામ લોકો ઢોલ સાથે મતદાન કરવા નીકળ્યા છે. મતદાનને લઈ જનતામાં અનોખો ઉત્સાહ દેખાયો. મહત્વનું છે કે, નેતા અભિનેતા બાદ જનતા પણ ઢોલ નગારા સાથે નીકળી છે. ગામની જનતાએ ઢોલ સાથે લોકશાહીના પર્વની ઉજવણી કરી છે. મહત્વનું છે કે, મતદાન અંગે જાગૃતતા લાવવા ગામના લોકોએ આ નિર્ણય કર્યો છે. આ સાથે વધુમાં વધુ મતદાન કરવા પણ અપીલ કરી છે.