વરસાદની મોસમ શરૂ થઇ ગઇ છે એટલે ચોતરફ પાણી, ખાણી-પીણી માર્કેટ અને ચાની ચૂસ્કીઓ લેતા લોકો નજરે પડશે. ત્યારે ડે-ટૂ-ડે લાઇફ તો વરસાદ હોય કે શિયાળો બદલાવાની નથી. બદલાતી સિઝનની સાથે સૌથી વધારે ફર્ક છોકરીઓને પડતો હોય છે, કારણકે તે સિઝનની સાથે ફેશન, મેક-અપ વગેરેનું પણ ધ્યાન રાખતી હોય છે. તો આજે અમે તમને જણાવીશું કે ચોમાસામાં છોકરીઓએ બેગમાં કઇ કઇ વસ્તુઓ રાખવી જોઇએ.
ચોમાસામાં આ વસ્તુઓ રાખો બેગમાં
વરસાદમાં જરૂર પડે તેવી ચીજવસ્તુઓ રાખો
વરસાદની મજા સજા ન બનવા દો
ઝીપ લૉક બેગ
વરસાદમાં ઝીપલૉકવાળી બેગ હંમેશા તમારા બેગમાં રાખવી જોઇએ, જેથી ક્યારેક વરસાદમાં ફસાવવાનું થાય તો મોબાઇલ જેવી કિમતી વસ્તુ તેમાં મુકી દેવાય અને નુકસાનથી બચી શકાય.
છત્રી
આપણે ક્યારેય નથી જાણી શકતા કે ક્યારે વરસાદ પડશે અને ક્યારે પલળી જઇશું. ત્યારે બેગમાં છત્રીનું હોવું ખૂબ જ જરૂરી છે.
વેટ ટિશ્યુઝ
વરસાદમાં ઉકળાટ થવા લાગે છે અને જો તમે પલળી જાઓ છો તો ચહેરા પર પણ ઓઇલ આવવા લાગે છે, જેના કારણે વેટ ટિશ્યુઝ રાખવા જોઇએ.
એક્સ્ટ્રા કપડા
જ્યારે પણ તમે ઘરની બહાર નીકળો એક જોડી એક્સ્ટ્રા કપડા સિન્થેટિક બેગમાં મૂકીને તમારા બેગમાં રાખી મૂકો જેનાથી જો તમે પલળી પણ જાઓ તો કપડા બદલી શકાય અને બિમાર ન પડાય.