અમિત શાહ સહિત દિગ્ગજ નેતાઓની હાજરીમાં કમલમ ખાતે કોર કમિટીની બેઠક

ગાંધીનગર: લોકસભા ચૂંટણી નજીક આવી રહી છે ત્યારે આજે ગાંધીનગર ખાતે કમલમમાં ભાજપ કોર કમિટીની બેઠક મળશે. આ બેઠકમાં લોકસભાની ટિકીટ બાબતે પણ ચર્ચા હાથ ધરાશે. અમિત શાહ સહિતના અનેક નેતાઓ આ બેઠકમાં હાજર રહેશે. લોકસભાની ચૂંટણી માટે ઈન્ચાર્જ સાથે પણ બેઠક કરાશે. 

એટલું જ નહીં આ બેઠકમાં આગામી લોકસભા ચૂંટણીને લઈને રણનિતી પણ નક્કી કરાશે. ઉલ્લેખનીય છે કે આગામી લોકસભા ચૂંટણીને લઈને તમામ પક્ષોએ તડામાર તૈયારીઓ હાથ ધરી છે. વિવિધ પક્ષો પોતાના મતદારોને રીઝવવા માટે તડામાર તૈયારીઓ કરી રહ્યા છે.

મહત્વનું છે કે હવે આગામી લોકસભાની ચૂંટણીનાં પડઘમ શરૂ થઇ ગયાં છે તેમજ સમયગાળો પણ હવે નજીક આવવા જઇ રહ્યો છે. ત્યારે લોકસભાની ચૂંટણીને લઇ ભાજપ-કોંગ્રેસ એમ બંને પક્ષો દ્વારા તૈયારીઓ શરૂ કરી દેવામાં આવી છે.

બંને પક્ષો દ્વારા આગામી ચૂંટણીને લઇ રણનીતિ પણ ઘડવામાં આવી રહી છે. ત્યારે આગામી લોકસભાની ચૂંટણીને લઇ ભાજપમાં ભારે ધમધમાટ જોવા મળી રહ્યો છે.