સામાન્ય વરસાદમાં પણ રસ્તાઓની બિસ્માર હાલત શહેરીજનો પરેશાન

દર વર્ષની જેમ આ વર્ષે પણ અમદાવાદમાં જ્યા જોવો ત્યા રસ્તાઓ પર ખાડા નજરે પડી રહ્યા છે. આ વર્ષે  વરસાદ વધારે પડ્યો નથી તેમ છતાં રસ્તાઓની હાલત દરવખતની જેમ જોવા મળી છે.

રસ્તાઓ એટલી હદે બિસમાર બન્યા છે કે જ્યા જોવો ત્યા ખાડા જ ખાડા નજરે પડી રહ્યા છે. ગઈ કાલના એક વરસાદના કારણે અનેક જગ્યાએ ભૂવા પડ્યા છે.

અમદાવાદના જમાલપુર પાસે જગન્નાથ મંદિર આવેલું છે. આ મંદિરમાં લોકો મોટી સંખ્યમાં દર્શન કરવા માટે અવરજવર કરતા હોય છે. ત્યારે મંદિરની બહાર રોડ પર મોટા ખાડા જોવા મળી રહ્યા છે.

જમાલપુર એ.પી.એમ.સીથી જગ્નનાથ મંદિર જતાં માર્ગ પર ખુજ મોટા ખાડા નજરે પડ્યા હતા. ગઈકાલે અમદાવાદમાં ભારે વરસાદ પડ્યો હતો અને તે વરસાદના પાણી ઠેર ઠેર ભરાયા હતા ત્યારે આ ખાડાઓમાં અત્યારે પણ પાણી ભરાયેલા નજરે પડ્યા હતા.

જેને લઈને પાણીના નિકાલની વ્યવસ્થાઓના દાવા કરતા તંત્રની પોલ ખુલ્લી પડી છે. સ્થાનિકોનો આક્ષેપ છે કે ચોમાસા દરમ્યાન નહીં પરતું બારે માસ આવા ખાડા હોય છે અનેક રજુઆત છતા પણ તંત્ર કોઈ કાર્યવાહી કરતું નથી. પરિણામે તેમણે ઘરના દરવાજા બંધ રાખવા પડે છે.

માત્ર પૂર્વ વિસ્તારમાં નહીં પશ્ચિમ વિસ્તારમા પણ રોડ રસ્તાની હાલત ખરાબ છે. મેમનગર વિસ્તારને પોશ વિસ્તારોમાં ગણવામાં આવે છે પરતું મુખ્ય માર્ગ પર જયા જોવો ત્યા ખાડા નજરે પડી રહ્યા છે.

અડધો રસ્તો મેટ્રોની કામગીરીને લીધે બંધ છે તો બાકીના રસ્તા પર ખાડા જોવા મળ્યા હતા. સામાન્ય વરસાદમાં અમદાવાદની આવી હાલત થાય છે તે ખરેખર શરમજનક બાબત છે. અનેક વિસ્તારોમાં ખાડામાં હજી પણ વરસાદના પાણી ભરાયેલા હતા. આવા સમયે જો કોઈ દુર્ઘટના સર્જાય તો જવાબદાર કોણ અને તંત્ર કેમ આવી જગ્યાઓ પર ચેકિંગ કરતી નથી તે એક સવાલ છે.

ચોમાસામાં દર વર્ષે ખાડા અને ભુવા પડવાથી લોકોને ભારે હાલાકીનો સામનો કરવો પડી રહ્યો છે. દરવર્ષે મોનસૂન પ્લાન બનાવવામાં આવે છે. તંત્ર કરોડો રૂપિયાનું ભંડોળ આ કામગીરી માટે લગાવે છે. તો ખરેખર આ રસ્તાઓની હાલત જોઈને અનેક સવાલ ઉભા થાય છે કે ખરેખર તંત્ર પોતાનું કામ સરખું કરે છે કે કેમ?