નવું વર્ષ સામાન્ય રીતે ખુશીઓ લઈને આવે છે .પણ ગુજરાતમાં કેટલાક પરિવારો માટે નવું વર્ષ આફત લઈને આવ્યું.
રાજ્યમાં અલગ અલગ જગ્યાએ થયેલા અકસ્માતમાં 9 લોકોએ જીવ ગુમાવ્યો. જેમાં પ્રથમ દ્રશ્યમાં વલસાડના ધરમપુર નજીક ટ્રક અને કાર વચ્ચે અકસ્માત થયો હતો. જેમાં 3 વ્યક્તિના મોત નિપજ્યા હતા. જ્યારે 2 વ્યક્તિ ઘાયલ થયા હતા.
તો બીજી બાજુ બનાસકાંઠાના ડીસાના કંસારી પાસે કાર અને જીપ વચ્ચે અકસ્માત થતાં 2 યુવકના મોત નિપજ્યા છે.
મોરબી-રાજકોટ હાઈ-વે પર હરબટીયારી ગામ પાસે અકસ્માતમાં કાર અને બાઈક વચ્ચે અકસ્માત સર્જાતા 2 યુવકના મોત નિપજ્યા છે.
મહેસાણાના સતલાસણાના સૂદાસણા ગામ પાસે પૂરપાટ ઝડપે જતું બાઈક સ્લીપ થઈ જતાં 2ના મોત નિપજ્યા હતા. જ્યારે એક યુવકને ઈજા પહોંચતા સારવાર અર્થે ખસેડવામાં આવ્યો હતો.