જિયો એ હવે ફરી એકવાર જિયોથી નોન જિયો કોલિંગને ફ્રી કરી દેવાની જાહેરાત કરી દીધી છે. જો કે આ મફતનો અર્થ એ નથી કે તમે કોઈપણ પ્લાન કે રિચાર્જ વિના કોલિંગ કરી શકશો. હવે પહેલાની જેમ, કોઈપણ નંબર પર અન્ય પ્લાન સાથે લોકલ કોલ્સ મફત રહેશે. પરંતુ તે જ સમયે કંપનીએ તેના વપરાશકર્તાઓને આપવામાં આવેલી એક સર્વિસને અટકાવી દીધી છે.
જિયો એ લોકલ ઓફનેટ કોલિંગ ફ્રી કરી દીધું
અન્ય નેટવર્ક પર દર 10 રૂપિયાના રિચાર્જ પર કોમ્પલિમેન્ટ્રી ડેટા મળતું હતું
કોમ્પલિમેન્ટ્રી ડેટાની સુવિધા નવા વર્ષથી ગ્રાહકોને નહીં મળે
ખરેખર, Interconnect Usage Charge IUC ને કારણે, જિયો એ ઓફલાઇન કોલિંગ માટે તેના ગ્રાહકો પાસેથી પૈસા લેવાનું શરૂ કર્યું હતું. જો કે હવે TRAI એ હવે IUC બંધ કરવાનો નિર્ણય કરતાં જિયો એ અન્ય નેટવર્ક પર કોલિંગ એટલે કે લોકલ ઓફનેટ કોલિંગ મફત કરી દીધું છે.
રિલાયન્સના ટોપઅપ રિચાર્જ પર મળતા હતા વાઉચર
ઓફલાઇન કોલિંગ માટે પૈસા હોય ત્યાં સુધી રિલાયન્સ જિયો ટોપ-અપ વાઉચર્સવાળા વપરાશકર્તાઓને 1 GB, 2 GB, 5 GB, 10 GB, 50 GB અને 100 GB ડેટા પ્રદાન કરતી હતી. આ ટોક ટાઇમ વાઉચર્સ 10 રૂપિયાથી શરૂ થતાં હતા. 10 થી 1000 રૂપિયાના ટોપ અપ વાઉચરો સાથે કસ્ટમર્સને વધારાનું ઇન્ટરનેટ ડેટા આપવામાં આવતું હતું. જે હવે ગ્રાહકોને મળી શકશે નહીં.
રિલાયન્સ જિયો ની વેબસાઇટ પર એવું કહેવામાં આવતું હતું કે જિયો થી બીજા નંબર પર કોલ કરવા માટે વપરાતા ડર 10 રૂપિયાએ ગ્રાહકોને 1 GB કમ્પ્લિમેન્ટરી ડેટા આપવામાં આવતું હતું. પરંતુ હવે જિયો દ્વારા લોકલ ઓફનેટ કોલિંગ ફ્રી કરવામાં આવી છે, આવી સ્થિતિમાં, આ ડેટા ઓફર પણ હવે કામ નહીં કરે.
હવે પહેલાની જેમ વધારાના ડેટા નહીં મળે
જો કે આ ટોપ અપ વાઉચર્સ હજુ પણ ઉપલબ્ધ રહેશે, પરંતુ રિપોર્ટ અનુસાર તેમની સાથે પહેલાની જેમ વધારે ડેટા આપવામાં આવશે નહીં. એટલે કે, જો તમે ડેટા માટે લોકલ ઓફનેટ કોલિંગ પર આધાર રાખતા હો, તો હવે તમારે આ બાબતનું ધ્યાન રાખવું પડશે.
મહત્વનું છે કે, રિલાયન્સ જિયો એ બીજા નેટવર્ક પર કોલિંગ માટે ઓક્ટોબર 2020 થી ગ્રાહકો પાસેથી પૈસા લેવાનું શરૂ કર્યું. જેમાં દર મિનિટે ગ્રાહકો પાસેથી 6 પૈસા લેવામાં આવે છે. આ માટે, કંપની કેટલાક સ્પેશિયલ રિચાર્જ પ્લાન્સ પણ લાવી હતી, જે પણ હવે પૂર્ણ થઈ જવાની શક્યતાઓ છે.