શિક્ષણની માગ વગતા તેનું વ્યાપારીકરણ થઈ રહ્યું છે. ત્યારે ફરી એકવાર લોકો સરકારી શિક્ષણ તરફ વળ્યા છે. વાત કચ્છના મોટા ધાવડા ગામની..
એક ગામ આવું પણ
ધાવડા ગામનો દ્રઢ નિશ્ચય
ખાનગી શાળાને `ના'
શિક્ષણ તો સરકારી શાળામાં જ
દિલ્લીમાં હાઈટેક સરકારી શાળા બન્યા બાદ હવે ગુજરાતમાં પણ સરકારી શાળા અંગે વિચારસણી બદલાઈ છે. ગુજરાતમાં પણ અનેક હાઈટેક સરકારી શાળાઓ બની છે.તો કચ્છના નખત્રાણા તાલુકાના પાટીદાર સમાજની બહુમતિ ધરાવતા મોટા ધાવડા ગામે એક નિર્ણય કર્યો.. જેમાં નક્કી કરાયું કે ગામના તમામ બાળકોને સરકારી પ્રાથમકિ શાળામાં જ અભ્યાસ કરાવવો.તાલુકા પંચાયતના પ્રમુખ જયસુખ પટેલે પણ પોતાની પૌત્રીને સરકારી શાળામાં પ્રવેશ અપાવી અન્ય લોકોને પણ પ્રોત્સાહન આપ્યું..
આર્થિક રીતે છે સધ્ધર..પણ 'સરકારી' પ્રત્યે આકર્ષણ
મોટા ધાવડા પ્રાથમકિ શાળાના પરિસરમાં વર્ગખંડ બહાર સુંદર ચિત્રો દર્શાવાયા છે. ઉપરાંત વૃક્ષોનું જતન કરતા ચિત્રો પણ દર્શાવાયા છે.. મોટા ધાવડામાં 1300 લોકોની વસતી છે. અને આ ગામના 123 બાળકોના પ્રવેશથી સરકારી શાળામાં બઠકો ફૂલ થઈ ગઈ છે. અહીં શાળામાં CCTV કેમેરા પણ લગાવવામાં આવ્યા છે. ગ્રામજનો પણ શળાના કાર્યોમાં મદદરૂપ બને છે. ગામજનોના સહયોગથી શાળામાં બાળકોની સંખ્યામાં વધારો થયો છે.
ગ્રામજનોનો દ્રઢ નિશ્ચય અમીર હોય કે ગરીબ સરકારી શાળામાં જ ભણશે બાળક
હાલ ખાનગી શાળામાં ફી આસમાને પહોંચી ગઈ છે. વાલીઓને ખાનગી શાળાની ફી પોસાય તેમ નથી. વળી કોરોનાએ વાલીઓની કમર તોડી નાખી છે.. ત્યારે હવે લોકો સરકારી શાળા તરફ વળ્યા છે.. એવું નથી કે અહીંના લોકો બાળકોને ખાનગી શાળામાં અભ્યાસ કરાવવાની પરિસ્થિતિ નથી ધરાવતા. કેમ કે મોટા ધાવડા ગામ આર્થિક રીતે સમૃદ્ધ છે. ગામની આસપાસ પાંચથી વધુ ઈંગ્લિશ મીડિયમ શાળા આવેલી છે. છતાં ગ્રામજનોએ બાળકોને સરકારી શાળામાં જ અભ્યાસ કરાવવાનો નિર્ણય કર્યો છે. ત્યારે શાળામાં અભ્યાસ કરતી વિદ્યાર્થિનીના મતે શિક્ષકો ઉંડાણપૂર્વક અભ્યાસ કરાવે છે.
પહેલના થઈ રહ્યા છે વખાણ
હાલ દેખાદેખીનો જમાનો ચારી રહ્યો છે.. બાળકોને સારું શિક્ષણ આપવા માટે લોકો ખાનગી શાળા તરફ દોડયા હતા.. પણ હવે સરકારી શાળાની વ્યાખ્યા બદલાઈ છે. અને સરકારી શાળામાં પણ સારું શિક્ષણ મળી રહ્યું છે તો ખાનગી શાળામાં કેમ જવું એ મત ગ્રામજનોમાં જોવા મળી રહ્યો છે.