અલ્પેશ ઠાકોર પોતાના સમાજને વ્યસનમૂક્તિ સહિતના દૂષણોથી મૂક્ત કરવાની પહેલ સાથે રાજનીતિમાં એન્ટ્રી કરી. ભાજપ વિરોધી વલણથી કોંગ્રેસમાં સ્થાન પણ મળ્યું અને કોંગ્રેસમાંથી ધારાસભ્ય પણ બન્યા પરંતુ આટલેથી પણ તેને સંતોષ નથી આવતો. છેલ્લા ઘણા સમયથી અલ્પેશ પણ સંગઠનથી નારાજ નેતાઓના લિસ્ટમાં સામેલ છે. એટલું જ નહીં પરંતુ સૌથી મોટા હોદ્દો મેળવવા હવાતીયા મારે છે. તો પક્ષ પલટાની પણ વાતો બજારમાં ઉઠી રહી છે. ત્યારે લોકસભા નજીક આવતા-આવતા કેમ અલ્પેશની પરંત ગુલાટીઓ મારી રહી છે. જુઓ આ અહેવાલમાં.
હમણા-હમણા ઉતરાયણનો પર્વ ગયો જેમાં સૌકોઈએ પોતાના હરિફની પતંગ કાપવાની કોશિશ કરી હશે પરંતુ આપણે આજે એક એવા પતંગની વાત કરવા જઈ રહ્યા છે. જેને બસ ઉંચે-ઉંચે ઉડ્યા જ કરવું છે. તેના માટે ભલે તેને કાંઈપણ કરવું પડે વારંવાર દિલ્લીના ધક્કાપણ ભલે ખાવા પડે અંહી આપણે કોંગ્રેસના ધારાસભ્ય અલ્પેશ ઠાકોરની વાત કરી રહ્યા છીએ. જે છેલ્લા ઘણા સમયથી એકલા હાથે પણ કોંગ્રેસમાં સૌથી ઉપર ઉડવાની કોશિશ કરે છે. સંગઠનમાં મોટું પદ મેળવવા માટે હવાતીયા મારે છે. એટલું જ નહીં પરંતુ ગુજરાત કોંગ્રેસના નેતૃત્વથી નારાજ નેતાઓની મિટિંગોમાં પણ અલ્પેશની હાજરી પહેલા જોવા મળી.
થોડા સમય પહેલા જ અમિત ચાવડાને હટાવવા માટે કોંગ્રેસના દિગ્ગજ નેતાઓની અર્જૂન મોઢવાડિયાના ઘરે મિટિંગ યોજાઈ હતી. જેમાં અલ્પેશ ઠાકોર પણ હાજર રહ્યા હતા પરંતુ અલ્પેશ ઠાકોરનું કોઈ સ્પેન્ડ ક્લિયર નથી. ઘડીક મન ડોલતું-ડોલતું સાત સમંદર પાર પહોંચી જાય છે. જાણે ગુજરાત કોંગ્રેસ તેના થકી જ હોય અને તે કોંગ્રેસનો રાજા.
સૌથી મહત્વની બાબત તો એ છે કે ગુજરાત કોંગ્રેસમાં સૌ કોઈને નેતાગીરી જ કરવી છે. મોટા હોદ્દા જ જોઈએ છે. જેમાં અર્જૂન મોઢવાડીયા હોય સિદ્ધાર્થ પટેલ હોય કે પછી અલ્પેશ ઠાકોર જ કેમ ન હોય. જોકે અલ્પેશ ઠાકોર તો અહીં દિગ્ગજ નેતાઓને જ સાઈડ-લાઈન કરવાના સ્વપ્ન જુએ છે. એટલા માટે જ તો દિલ્લી દરબાર સુધી આંટાફેરા મારે છે.
અલ્પેશ ઠાકોર પક્ષમાં મોટા હોદ્દાને લઈને તો ચર્ચામાં રહ્યા જ પરંતુ થોડા દિવસો પહેલા ભાજપમાં જોડાવાની પણ તૈયારીમાં હતા એટલું જ નહીં થોડા દિવસ પહેલા ભાજપના શંકર ચૌધરી સાથે પણ અલ્પેશની મુલાકાત થઈ હતી. જે બાદ અલ્પેશ ભાજપમાં જોડાય તેવી હવાએ જોર પકડ્યું હતું. એવી પણ ચર્ચા હતી કે અલ્પેશ ભાજપમાં જોડાશે અને પાટણની બેઠક પરથી લોકસભાની ચૂંટણી લડશે અને ત્યાર બાદ રાધનપુરથી શંકર ચૌધરીને ચૂંટણી લડાવવાનો પ્લાન હતો પરંતુ શંકર ચૌધરી અને અલ્પેશની મુલાકાતને લઈને ઠાકોરો જ વિરોધમાં ઉતર્યા અને ભાઈ અલ્પેશના મિશન ભાજપ પર પાણી ફરી વળ્યું. બીજી તરફ અલ્પેશ પક્ષને વફાદાર ઓવાના બણગા ફેંકે છે અને લોકસભા લડલાવો કોઈ ઈરાદો જ ન હોય તેવું જણાવી રહ્યો છે.
અલ્પેશ ભલે લોકસભા લડવાની ના પાડી રહ્યો હોય. પરંતુ અંદર ખાને તો ઈરાદો એવો જ છે. ભાજમાં જવાનો પ્લાન ભલે વિફળ રહ્યો પરતું કોંગ્રેસમાં પણ કોશિશ તો ચાલી જ રહી છે. એક તરફ પૂર્વ સાંસદ જગદીશ ઠાકોરે લોકસભાની ચુંટણી લડવાનો ઇન્કાર કરી દીધો છે. એટલે કે અલ્પેશ ઠાકોર માટે મોકળું મેદાન થઈ ગયું છે. ત્યારે જોવું એ રહેશે કે લોકો સામે લોકસભાનો મોહ ન હોવાનું કહેનાર અલ્પેશ અંતે જૂથાદમાં લાભ ખાટે છે કે નહીં.