ભાવ વધારો / મોંઘવારીના માર વચ્ચે પિસાતી જનતા, ગુજરાતના આ શહેરોમાં 100 રૂપિયાની નજીક પહોંચ્યા ઈંધણના ભાવ

• પેટ્રોલ-ડીઝલના ભાવમાં ફરી વધારો
• મોંઘવારીનો વધુ એક માર, જનતા પરેશાન 
• પેટ્રોલ-ડીઝલના ભાવમાં ભડકો યથાવત 

જનતાને એક તરફ મોંઘવારીનો માર સહન કરવો પડી રહ્યો છે ત્યારે દેશ અને રાજ્યમા સતત ઈંધણના ભાવમાં વધારો થઈ રહ્યો છે પેટ્રોલ ડીઝલના વધતા ભાવને લઈ જનતા હેરાન પરેશાન થઈ ગઈ છે. એવામાં આજે ફરી પેટ્રોલ ડીઝલની કિંમતોમાં વધારો થયો છે. 

મોંઘવારીનો વધુ એક માર જનતા પરેશાન 

પેટ્રોલના ભાવમાં 34 પૈસાનો જ્યારે ડીઝલના ભાવમાં 10 પૈસાનો વધારો કરવામાં આવ્યો છે. અમદાવાદમાં આજે પેટ્રોલના ભાવ 97.35 પૈસા થઈ ગયો છે જ્યારે ડીઝલનો ભાવ 96.48 પૈસા પ્રતિ લિટર થઈ ગયો છે. આ તરફ અન્ય મોટા શહેરમાં પણ ભાવ વધારો ઝીંકાયો છે જેમાં સુરત, રાજકોટ, વડોદરા જેવા મહાનગરોમાં પણ ઈંધણના ભાવમાં ધરખમ વધારો નોંધાયો છે.

પેટ્રોલ-ડીઝલના ભાવમાં ભડકો યથાવત 

સુરતમાં પેટ્રોલ રૂપિયા 97.43 પ્રતિ લિટર મોંઘુ થયું છે તો ડીઝલ રૂપિયા 96.58 પ્રતિ લિટર મોંઘુ થયું છે જ્યારે વડોદરામાં પેટ્રોલના ભાવ 97.01 પૈસા પ્રતિ લિટર થયો છે અને ડીઝલના 97.14 પ્રતિ લિટર થયો છે. આ તરફ રાજકોટમાં પણ પેટ્રોલ અને ડીઝલના ભાવ વધ્યા છે રાજકોટમાં આજે પેટ્રોલ 97.13 પૈસા તો ડીઝલ 96.28 પૈસા પ્રતિ લિટર થઈ ગયું છે.

દર રોજ સવારે 6 વાગે બદલાય છે કિંમતો

ઉલ્લેખનીય છે કે દરરોજ સવારે 6 વાગે પેટ્રોલ અને ડીઝલની કિંમતો બદલાય છે. સવારે 6 વાગે નવા ભાવ લાગૂ થઈ જાય છે. પેટ્રોલ તથા ડીઝલના ભાવમાં એક્સાઈઝ ડ્યૂટી, ડીલર કમિશન અને અન્ય વસ્તુઓ જોડ્યા બાદ તેના ભાવ બે ગણા થઈ જાય છે. વિદેશી મુદ્રા દરોની સાથે આંતરરાષ્ટ્રીય બજારોમાં ક્રુડના ભાવ શુ છે. આ આધારે રોજ પેટ્રોલ અને ડીઝલના ભાવમાં ફેરફાર થાય છે.  આ માપદંડોના આધાર પર પેટ્રોલ રેટ અને ડીઝલના રેટ નક્કી કરવાનું કામ તેલ કંપનીઓ કરે છે. ડીલર પેટ્રોલ પંપ ચલાવનારા લોકો છે. તે પોતાને રિટેલ કિંમતો પર ઉપભોક્તાઓને અંતમાં ટેક્સ અને પોતાના માર્જિનને જોડ્યા બાદ પેટ્રોલ વેચે છે. પેટ્રોલ - ડીઝલમાં આ કોસ્ટ પણ જોડાઈ જાય છે.

જાણો તમારા શહેરમાં કેટલો છે ભાવ

પેટ્રોલ-ડિઝલની કિંમત તમે  SMS દ્વારા જાણી શકો છો. ઇંડિયન ઓઇલની વેબસાઇના અનુસાર તમે RSP અને તમારા શહેરનો કોડ લખીને 9224992249 નંબર મોકલવાનો રહેશે. બીપીસીએલ ગ્રાહકો RSP લખીને 9223112222 પર મેસેજ મોકલી શકે છે. એચપીસીએલ ગ્રાહકો HPPrice લખીને 9222201122 પર મેસેજ કરીને ભાવ જાણી શકે છે.