VIDEO / રોડ વચ્ચે જ ટ્રાફિક પોલીસે કરી સ્વીગી ડિલીવરી બોય ની ધોલાઈ, દાદાગીરી કરનાર પોલીસ ઉપર થઇ આ કાર્યવાહી

• ટ્રાફિક પોલીસે યુવકને ફટકાર્યા લાફાં 
• ટ્રાફિકના લીધે બોલાચાલી થઇ હતી યુવક અને બસ ચાલક વચ્ચે 
• ઉચ્ચ અધિકારીઓએ ટ્રાફિક કોન્સ્ટેબલની બદલી કરી 

સોશિયલ મીડિયામાં વિડિયો વાઈરલ 
તામિલનાડુના કોઇમ્બતુરમાં ટ્રાફિક કોન્સ્ટેબલને ફૂડ ડિલિવરી બોયને થપ્પડ મારવી ભારે  પડી હતી અને તેને સજા તરીકે શહેરના પોલીસ કન્ટ્રોલ રૂમમાં ટ્રાન્સફર કરવામાં આવ્યો હતો. સોશિયલ મીડિયા પર એક વિડિયો ક્લીપ વાઇરલ થઇ હતી જેમાં ટ્રાફિક કોન્સ્ટેબલ ફૂડ ડિલિવરી બોયને લાફો મારતો જોવા મળી રહ્યો છે. વીડિયો ક્લિપ અને ફૂડ ડિલિવરી બોયની ફરિયાદના આધારે કોન્સ્ટેબલ સતીશની બદલી કરવામાં આવી છે.

કેમેરામાં કેદ થઇ પૂરી ઘટના 
સિંગનાલ્લુર પોલીસ સ્ટેશન સાથે જોડાયેલા ગ્રેડ-1ના કોન્સ્ટેબલ સતીશે શુક્રવારે અવિનાશી રોડ પર ટ્રાફિક જંકશન પર ડિલિવરી કરનાર વ્યક્તિને થપ્પડ મારી હતી અને આ સમગ્ર ઘટના કેમેરામાં કેદ થઈ ગઈ હતી. જે બાદ ઉચ્ચ પોલીસ અધિકારીઓએ કાર્યવાહી હાથ ધરી હતી અને કોન્સ્ટેબલને કંટ્રોલરૂમમાં ખસેડવામાં આવ્યો હતો.

"This happened yesterday evening at the fun mall signal and there was a slight traffic block due to this delivery boy and all of a sudden this Cop Started beating up the Delivery person "
. #welovecovai
.
👉 IG : FB :TW @WELOVECOVAI
.#coimbatore #delivery #deliveryboy #traffic pic.twitter.com/OBEwmghc1R

— We Love Covai ❤️ (@welovecovai) June 4, 2022

ટ્રાફિક જામનાં લીધે પરિસ્થિતિ વસણી  
મોહનસુંદરમ છેલ્લાં બે વર્ષથી સ્વિગીમાં કામ કરે છે. શુક્રવારે સાંજે તે ક્યાંક જઈ રહ્યો હતો, તે દરમિયાન એક ખાનગી સ્કૂલ બસ ચાલક બેદરકારીથી બસ ચલાવી  રહ્યો હતો જેના કારણે ટક્કર થવાની હતી. આવી સ્થિતિમાં મોહનસુંદરમે ડ્રાઇવરને રોક્યો અને ભૂલ બતાવવા લાગ્યો. જેના કારણે ટ્રાફિક જામ થઈ ગયો હતો.

ગાળો આપી થપ્પડ મારી 
પોલીસ કર્મચારી ગુસ્સામાં આવીને મોહનસુંદરમને ગાળો આપી , થપ્પડ મારી , અને તેનો મોબાઈલ પણ લઇ લીધો. તેણે તેની મોટરસાયકલને પણ નુકસાન પહોંચાડ્યું હતું. ત્યાં હાજર એક વ્યક્તિએ આ સમગ્ર ઘટના કેમેરામાં કેદ કરી લીધી હતી.

ફરિયાદ બાદ કોન્સ્ટેબલની બદલી 
પોતાની સાથે બનેલી આ ઘટના અંગે મોહનસુંદરમે ફરિયાદ નોંધાવી છે. જે બાદ ટ્રાફિક કોન્સ્ટેબલ સામે આ કાર્યવાહી કરવામાં આવી છે. પોલીસે જણાવ્યું હતું કે શહેરના પોલીસ કમિશનર ઓફિસરે શનિવારે મોહનસુંદરમે નોંધાવેલી ફરિયાદના આધારે સત્તાવાળાઓએ સતીશને કન્ટ્રોલ રૂમમાં ખસેડ્યો છે.