પ્રેમના પ્રતીક તાજમહેલ વિશે તો તમે બધા જણાતા હશો કે મુમતાજની યાદમાં તાજ મહેલ બનાવવામાં આવ્યો હતો. પણ તમે એવું ક્યાંય સાંભળ્યું છે કે પત્નીની યાદમાં પતિએ મંદિર બંધાવ્યું હોય? પણ હા એક વ્યક્તિએ આવું જ કંઈ કર્યું છે. તેણે પત્નીની યાદમાં તાજમહેલ તો નહીં પરંતુ પત્નીનું મંદિર બનાવ્યું છે.
આ સમગ્ર ઘટના તેલંગાણાના સિદ્દિપેત જિલ્લાની છે. જ્યાં વિજળી વિભાગના રિટાયર્ડ કર્મચારી ચંદ્ર ગૌડે પોતાની પત્ની રાજમણીની યાદમાં એક મંદિર બનાવી દીધું. ચંદ્ર ગૌડ પોતાની પત્નીને ખૂબ પ્રેમ કરતા હતા. તેમની પત્ની રાજમણીનું બિમારીના કારણે મોત થયું હતું.
રાજમણીનું નિધન થતાં ચંદ્ર ભાંગી પડ઼્યા. પત્નીની યાદોને તાજી રાખવા માટે તેમણે પત્નીનું મંદિર બનાવવાનું નક્કી કર્યું. ચંદ્ર ગૌડે સિદ્દિપેત જિલ્લાના દુબક્કા મંડળમાં રાજમણીની યાદમાં મંદિર બનાવ્યું. અહીં તેઓ દરરોજ પૂજા કરવા અને ફૂલ ચઢાવવા આવે છે.
રરોજ મંદિર આવવું ચંદ્રનું રૂટિન બની ગયું છે. અહીં તેઓ પત્નીને યાદ કરીને ભાવુક થઈ જાય છે. જો કે આસપાસના લોકો માટે આ મંદિર આકર્ષણનું કેંદ્ર બની ગયું છે.