2014 પછી કોંગ્રેસના 170 MLA અન્ય પાર્ટીમાં જોડાયા, કોંગ્રેસના ધારાસભ્યોને પાર્ટી પરથી વિશ્વાસ ઉઠી રહ્યો છે. કે, પછી નેતાઓને ભાજપમાં પોતાનું ભવિષ્ય દેખાઈ રહ્યું છે.
દેશની સૌથી જૂની પાર્ટી કોંગ્રેસ પર તેના નેતાઓનો વિશ્વાસ ઘટ્યો?
2014 પછી કોંગ્રેસના 170 MLA અન્ય પાર્ટીમાં જોડાયા
2016-2020 વચ્ચે ભાજપના માત્ર 18 ધારાસભ્યએ કમળ છોડ્યું
વર્ષ 2014માં લોકસભાની ચૂંટણી હાર્યા બાદ કોંગ્રેસ પાર્ટીનું રાજ્યોમાં પણ નેતૃત્વ ધીમેધીમે નબળું બનતું ગયું છે. તો કેટલાક રાજ્યોમાં કોંગ્રેસ ગઠબંધનની સરકાર પણ બચાવી કે બનાવી શકતી નથી. જેને લઈ કોંગ્રેસના ધારાસભ્યોને પાર્ટી પરથી વિશ્વાસ ઉઠી રહ્યો છે. કે, પછી નેતાઓને ભાજપમાં પોતાનું ભવિષ્ય દેખાઈ રહ્યું છે.
હાલમાં જ પુડુચેરીમાં કેટલાક ધારાસભ્યોએ કોંગ્રેસ છોડી દીધી છે. જેના કારણે નારાયણસામીની સરકાર અલ્પમતમાં આવી ગઈ છે. અને પ્રદેશમાં ચૂંટણી પહેલા રાજીનામું ધરી દીધું છે. આ તમામ ઘટનાઓ દેશની સૌથી જૂની રાજનૈતિક પાર્ટી કોંગ્રેસના નબળા પાસાઓ સામે લાવી રહી છે.
એક જાણીતી રાજનીતિક વિશ્લેષણ સંસ્થાના રિપોર્ટ પ્રમાણે વર્ષ 2016થી 2020 સુધીમાં થયેલી ચૂંટણી સમયે કોંગેસના 170 ધારાસભ્યો અન્ય પાર્ટીમાં જોડાય ગયા છે. જેની સામે ભાજપના માત્ર 18 ધારાસભ્યો અન્ય પાર્ટીમાં જોડાયા છે.
આ રિપોર્ટમાં એ વાતનો પણ ઉલ્લેખ છે કે, 2016થી 2020 વચ્ચે પાર્ટી બદલીને ફરી ચૂંટણી લડનારા અલગ-અલગ પાર્ટીના કુલ 405 ધારાસભ્યોમાંથી 182 MLA ભાજપમાં જોડાયા છે. તો 28 ધારાસભ્ય કોંગ્રેસમાં, 25 ધારાસભ્ય TRSમાં જોડાયા છે. જેનો મતલબ આ સમયગાળા દરમિયાન રિપોર્ટ પ્રમાણે કુલ 405 જેટલા ધારાસભ્યોએ પોતાના ભવિષ્ય માટે પાર્ટી બદલી છે. જેમાં સૌથી મોટું નુકસાન કોંગ્રેસનું થતું જોવા મળ્યું છે.
વર્ષ 2019ની લોકસભા ચૂંટણી દરમિયાન 5 લોકસભા સદસ્ય ભાજપમાંથી અન્ય પાર્ટીમાં જોડાયા હતા. તો વર્ષ 2016-2020 દરમિયાન કોંગ્રેસના કુલ 7 રાજ્યસભા સદસ્યએ કોંગ્રેસનો હાથ છોડીને અન્ય પાર્ટીનો સાથ લીધો છે.
વર્ષ 2016થી 2020 સુધીમાં થયેલી ચૂંટણી સમયે કોંગેસના 170 ધારાસભ્યો અન્ય પાર્ટીમાં જોડાય ગયા છે. જેની સામે ભાજપના માત્ર 18 ધારાસભ્યો અન્ય પાર્ટીમાં જોડાયા છે. આ સાથે એ વાત પર પણ ધ્યાન આપવું જરૂરી છે કે, મધ્યપ્રદેશ, મણીપુર, ગોવા, અરૂણાચલ પ્રદેશ અને કર્ણાટકમાં સરકાર બદલવામાં સૌથી મોટી ભૂમિકા પણ ધારાસભ્યોના પક્ષપલટા આધારીત થયું હતું. આ રિપોર્ટ અનુસાર 2016-2020 દરમિયાન પાર્ટી બદલીને રાજ્યસભા ચૂંટણી ફરી લડનારા 16 રાજ્યસભાના સદસ્યોમાંથી 10 ભાજપમાં જોડાયા છે.