રાજકારણ / ના પિતાને ટિકિટ મળી ના સસરાને... મોદી કેબિનેટના દિગ્ગજ મંત્રીને ભાજપે આપ્યો છૂપો સંદેશ?

• અનુરાગ ઠાકુરના પિતા અને સસરાને ન મળી ટિકિટ
• હમાચલમાં ભાજપ જયરામ ઠાકુરના ચહેરા પર ચૂંટણી લડશે
• પ્રેમ કુમાર ધૂમલ અને ગુલાબ સિંહ ઠાકુર ન મળી ટિકિટ

હિમાચલ પ્રેદશના પૂર્વ મુખ્યમંત્રી પ્રેમ કુમાર ધૂમલના પુત્ર અનુરાગ ઠાકુર અને મોદી સરકારમાં કેન્દ્રીય મંત્રી છે. પાર્ટીથી લઈને સરકાર સુધી તેમનું કદ દિવસેને દિવસે વધી રહ્યું છે. એક સમયે એવું કહેવામાં આવતું હતું કે તેમના પિતા પછી તેઓ હિમાચલના મુખ્યમંત્રી બનશે, પરંતુ હવે જે સમીકરણો જોવા મળી રહ્યા છે તે કઈંક અલગ જ દર્શાવી રહ્યાં છે.

હિમાચલ પ્રદેશની ચૂંટણીમાં હલચલ
કેન્દ્રીય મંત્રી અનુરાગ ઠાકુર આ સમયે હિમાચલ પ્રદેશની ચૂંટણીમાં ચોક્કસપણે સક્રિય છે, પરંતુ ચૂંટણી પહેલા જ ભાજપના હાઈકમાન્ડે તેમને ઝટકો આપ્યો છે. તેમના પિતા પ્રેમ કુમાર ધૂમલ કે જેઓ એક સમયે હિમાચલ પ્રદેશની રાજનીતિમાં દબદબો ધરાવતા હતા અને વાહવાહી થતી અને ટૂંકમાં કહી તો તેમનો સિક્કો ચાલતો હતા તેમને પણ આ વખતે ભાજપે ટિકિટ આપી નથી. અનુરાગ ઠાકુરના પિતા જ નહીં પરંતુ તેમના સસરા ગુલાબ સિંહ ઠાકુરને પણ ભાજપે ટિકિટ આપી નથી.

સમીકરણ ક્યાં બદલાયું
જ્યારે ધૂમલ રાજકારણમાં ટોચ પર હતા ત્યારે તેમના પુત્ર અનુરાગ ઠાકુરને રાજકારણમાં લાવ્યા હતા. અનુરાગ ઠાકુર ચાર વખત હિમાચલ પ્રેદશથી સાંસદ તરીકે ચૂંટાયા છે. તેઓ કેન્દ્રમાં મંત્રી છે, પરંતુ છેલ્લી ચૂંટણીથી રાજકીય સમીકરણો બદલાયા છે. અવુ પણ માનવામાં આવે છે કે, ગત ટર્મમાં પ્રેમ કુમાર ધૂમલ હિમાચલ પ્રદેશમાં ચૂંટણી ભાજપને જીતાડી હતી તેઓ પોતે ચૂંટણી હારી ગયા હતા. ત્યારબાદ મુખ્યમંત્રીના નામ માટે ઘણા નામો સામે આવ્યા હતા, જેમાં અનુરાગ ઠાકુરના નામની અટકળો ચાલી રહી હતી,પરંતુ મુખ્યમંત્રી જયરામ ઠાકુર બન્યા હતા.

જયરામ ઠાકુરના ચહેરા પર ચૂંટણી
જયરામ ઠાકુર સીએમ બન્યા ત્યારે પણ અનુરાગ ઠાકુરનું ભાજપમાં કદ વધતું જ રહ્યું છે, પરંતુ હવે ભાજપના હાઈકમાન્ડે પણ સ્પષ્ટ કરી દીધું છે કે હિમાચલ પ્રેદશની ચૂંટણી જયરામ ઠાકુરના ચહેરા પર જ લડવામાં આવશે.