T20 વર્લ્ડ કપમાં આજે ભારતનો મુકાબલો પાકિસ્તાન સામે થશે. આ મેચ દુબઈમાં સાંજે 7:30 થી રમાશે. ટોસ તેના અડધા કલાક પહેલા સાંજે 7 વાગ્યે કરવામાં આવશે. મેચને લઈ ગુજરાતીઓમાં અનેરો ઉત્સાહ જોવા મળી રહ્યો છે. તો સામે સટ્ટા બજારમાં પણ ગરમાવો આવ્યો છે. ભારતની ટીમને જીતની પ્રબળ દાવેદાર મનાઈ, કરોડો રૂપિયાનો સટ્ટો રમવાના એંધાણ છે.
ભારતીય ટીમ સટ્ટા બજારમાં 55 પૈસા સાથે ફેવરેટ ટીમ
ભારત-પાકિસ્તાન વચ્ચે દુબઈના ઈન્ટરનેશનલ સ્ટેડિયમમાં હાઈવોલ્ટેજ જંગ થવા જઈ રહ્યો છે. મેચને લઈને ક્રિકેટરસીકોમાં ઉત્સાહ જોવા મળી રહ્યો છે તો બીજી તરફ ભારતીય ટીમ સટ્ટા બજારમાં 55 પૈસા સાથે હોટફેવરેટ ટીમ મનાઈ રહી છે. સટ્ટાબજારમાં આજે 3 હજાર કરોડથી વધુનો સટ્ટો રમાય તેવી શક્યતા છે. જણાવી દઈએ કે ભારતમાં સટ્ટો રમવો એ ગેરકાનૂની છે છતાંય દર મેચમાં ઘણા બધા સટોડીયાઓ સટ્ટો લગાવી ખેલ કરતાં હોય છે. ત્યારે આજે ભારત પાકિસ્તાનની મેચમાં કરોડો રૂપિયા પર દાવ લગાવી સટ્ટો રમાઈ રહ્યો હોય તેવા સંકેત છે.
ક્રિકેટ રસિયાઓમાં થનગનાટ
ભારત અને પાકિસ્તાનની મેચ હોય ત્યારે ક્રિકેટ રસિયાઓમાં અનોખો ઉત્સાહ જોવા મળતો હોય છે આ મહા મુકાબલા ને વર્લ્ડ કપ જીત્યા સમાન ગણીને દેશભરમાં દિવાળી જેવો માહોલ કરતો હોય છે ત્યારે ક્રિકેટ પ્રેમીઓ માટે પણ અલગ અલગ પ્લાનિંગ પણ કરી દીધા છે ત્યારે યંગસ્ટર્સમાં ટેટુનો ક્રેઝ સૌથી વધુ જોવા મળતો હોય છે જેમ મેચ જોવા ક્રિકેટ પ્રેમીઓએ મેચ જોવા પહેલા ટેટુ બનાવતા હોય છે તેમ ઘરે ,સોસાયટી સહિતના ગ્રુપ માં મેચ જોવાના પ્લાનિંગ સાથે ટેટુ બનાવી મેચ જોવાનું પણ યંગસ્ટર્સ એ નક્કી કર્યું છે અને જેથી ટેટુ માટે પણ એડવાન્સ બુકિંગ કરાવી દીધા હતા ભારત અને પાકિસ્તાનના ફ્લેગ ના ટેટુ , ક્રિકેટર વિરાટ કોહલી ટેટુ ની સાથે ભારત પાકિસ્તાન ના મુકાબલા ના ટેટુ અનોખા અંદાજમાં બનાવી રહ્યા છે આ મેચના મહા મુકાબલા ને જોવા માટે ક્રિકેટ પ્રેમીઓ ની સાથે અન્ય લોકોમાં પણ અનોખો ઉત્સાહ જોવા મળી રહયો છે.