ગુજરાતમાં યુથ કોંગ્રેસની ચૂંટણીમાં હાર્દિક પટેલ અને ઈન્દ્રવિજયસિંહના ગ્રૂપ આમને સામને, હાર્દિક પટેલે સુરત PAASના સભ્યો હાર્દિકના ઉમેદવારને જીતાડવા કામે લાગ્યા છે
યુથ કોગ્રેસની ચૂંટણી
યુથ કોંગ્રેસ-NSUIમાં પ્રભુત્વની લડાઈ
કોંગ્રેસના બે જૂથ આમને સામને
આવતીકાલે યુથ કોંગ્રેસની ચૂંટણીનો અંતિમ દિવસ છે. ત્યારે આ ચૂંટણી યુથ કોંગ્રેસ-NSUIમાં પ્રભુત્વની લડાઇ બની છે. ચૂંટણીમાં કોંગ્રેસના જ 2 જૂથ આમને સામને છે. ઇન્દ્રવિજયસિંહ ગોહિલ અને હાર્દિક પટેલના ગ્રૂપ સામસામે આવ્યા છે. હાર્દિક પટેલે સભ્યો માટે જૂની PAASની ટીમ કામે લગાડી છે. સુરત PAASના સભ્યો હાર્દિકના ઉમેદવારને જીતાડવા કામે લાગ્યા છે. અને ગુજરાતમાં હાર્દિક પટેલે PAASના જૂના સાથીઓની મદદ લીધી છે. PAASની ટીમો કામે લાગી છે. અત્યાર સુધી કુલ 5.60 લાખ યુવાઓ સભ્ય બન્યાનો દાવો કરાયો છે. અને યુથ કોંગ્રેસે સભ્ય બનવા રૂ.50 નક્કી કર્યા છે. આવતીકાલે રજિસ્ટ્રેશન અને મતદાનનો અંતિમ દિવસ છે.
વિધાનસભાની ચૂંટણીની તૈયારીઓ શરૂ થતાં જ કોંગ્રેસમાં કકળાટ જોવા મળ્યો છે. યૂથ કોંગ્રેસની આંતરિક ચૂંટણીમાં જ બે ભાગ પડી ગયા છે. હાર્દિક પટેલ અને ઈન્દ્રવિજયસિંહ ગોહિલના ગ્રૂપ હવે આમને-સામને છે. જેમાં બન્નેના ગ્રૂપ પોતાના સમર્થકમાંથી કોઈને પ્રમુખ બનાવવા માટે મક્કમ છે.
યૂથ કોંગ્રેસની ચૂંટણી ટાણે જ બે ભાગ પડતા કોંગ્રેસના નેતાઓ માટે મુંઝવણ જોવા મળી રહી છે. હાલમાં ઇન્દ્રવિજયસિંહ ગ્રૂપના ઉમેદવારોમાં ઋતુરાજ ચુડાસમા, જયેશ દેસાઇ, અભય જોટવા છે. તો બીજી તરફ હાર્દિક પટેલના સમર્થકોમાં વિશ્વનાથસિંહ વાઘેલા છે.
યુથ કોંગ્રેસની ચૂંટણીમાં જે ટોપ-થ્રી સભ્યની પસંદગી કરાશે તેમનું દિલ્લી ખાતે ઇન્ટરવ્યૂ પણ ગોઠવવામાં આવશે. ઇન્ટરવ્યૂ પછી ગુજરાતના યૂથ કોંગ્રેસના પ્રમુખ જાહેરાત કરાશે. 15 દિવસમાં 1 લાખ 82 હજારથી વધુ યૂથ કોંગ્રેસના સભ્યો બનાવાયા છે. જેમાં એક સભ્યની નોંધણી ફી રૂપિયા 50 હોય છે. ફી ભર્યા બાદ જ સભ્ય મતદાન કરી શકે તેવી વ્યવસ્થા પણ ગોઠવવામાં આવી છે.