ગુજરાતમાં ગ્રામ પંચાયતની ચૂંટણી વેળા મોટાભાગના વિસ્તારોમાં શાંતિ પૂર્ણ મતદાન થયું હતું પરંતુ રાજ્યમાં પાંચ જગ્યાએ મારામારીની ઘટના બની
ગ્રામ પંચાયતની ચૂંટણીમાં મારામારી
રાજકીય પાર્ટીના કાર્યકરો બાખડ્યા
વીરપુર (જલારામ ) માં કોન્સ્ટેબલ વીફર્યો
ગુજરાતમાં ગ્રામ પંચાયતની ચૂંટણી વેળા મોટાભાગના વિસ્તારોમાં શાંતિ પૂર્ણ મતદાન થયું હતું પરંતુ રાજ્યમાં પાંચ જગ્યાએ મારામારીની ઘટના બની છે. જેમાં વડોદરા,વીરપુર ( સૌરાષ્ટ્ર ) નર્મદા જીલ્લો,જૂનાગઢ અને ભરૂચમાં કેટલીક ઘટનાઓ બની છે.
પાંચ અલગ-અલગ જગ્યાની ઘટના
વડોદરાના સાવલીના કચરિયા ગામે યુવક પર હુમલો કરવામાં આવ્યો હતો જેમાં યુવકેને સારવાર અર્થે ખસેડવામાં આવ્યો હતો,જેતપુર વીરપુરમાં મતદારને માર મારવાનો મામલો સામે આવ્યો હતો.મતદારને પોલીસ સ્ટેશનમાં માર માર્યાનો આક્ષેપ તેના પરિવારજનોએ આરોપ લગાવ્યો હતો.ત્યારે SP બલરામ મીણાએ ઘટના સ્થળે પહોંચીને કોન્સ્ટેબલનું વર્તન અયોગ્ય હોવાનું કહ્યું હતુ.નર્મદાનર્મદાના ડેડિયાપાડામાં ચૂંટણીમાં રાજકીય પાર્ટીના કાર્યકરો બબાલ થઈ હતી, સાંસદ મનસુખ વસાવાએ તંત્રને યોગ્ય કાર્યવાહી કરવા સૂચન કર્યું હતુ. તો જૂનાગઢમાં ગ્રામપંચાયતની ચૂંટણી લોહિયાળ બની હતી.માળીયા હાટીના પિખોર ગામે મતદાનમાં મારામારીમાં બે થી ત્રણ લોકોને થઇ ઇજા થઈ હતી. ઇજાગ્રસ્તોને માળીયા સિવિલ હોસ્પિટલમાં કરાયા દાખલ કરાયા હતા.તો ભરૂચમાં ચૂંટણીની અદાવતમાં બે પક્ષ વચ્ચે મારામારીમાં 5 જેટલા લોકો ઈજાગ્રસ્ત થયા હતા.