ગવા વર્ષે જ્યારે દેશમાં લોકડાઉન થયુ હતું ત્યારે ઘણી બધી એવી કહાનીઓ આપડા સામે આવી હતી જેને વાંચીને કે સાંભળીને આપણા આંખોના ખૂણા ભીના થઈ ગયા હોય. આવી જ એક કહાની છે જ્યોતિ કુમારની. જે લોકડાઉન સમયે ખૂબ ચર્ચામાં આવી હતી. એ સમયે કામ-ધંધો ઠપ્પ હોવાના કારણે મોટી સંખ્યામાં મજૂરો શહેરોમાંથી પોતાના ઘરો તરફ ફરી રહ્યા હતા. તેમાં ઘણા પ્રવાસી મજૂરો પગપાળા અથવા તો સાયકલ ચલાવીને પોતાના ઘરે પહોંચ્યા હતા.
8 દિવસમાં પુરો કર્યો હતો 1200 કિમીનો સફર
તે સમયે દરભંગાની દિકરી જ્યોતી કુમારી પોતાના પિતાને ગુડગાંવથી સાયકલ પર દરભંગા લઈને આવી હતી. જણાવવામાં આવી રહ્યું છે કે જે સમયે જ્યોતિ પોતાના પિતાને પોતાના ગામમાં પરત લઈને આવી ત્યારે તેમની તબિયત ખૂબ ખરાબ હતી. તેના કારણે જ્યોતિ તેમને સાઈકલ પર લાવવાનો નિર્ણય કર્યો. લગભગ 1200 કિમીનો સફર તેમણે સાયકલ પર 8 દિવસમાં પુરો કર્યો છે. ત્યાર બાદથી પરિવાર ત્યાં જ રહે છે. આ વચ્ચે સોમવારે જ્યોતિના પિતાના મોતનો સમાચાર મળી રહ્યા છે.
આ કારણે થયું પિતાનું મોત
બિહારના દરભંગાની પહેનાર 'સાયકલ ગર્લ' જ્યોતિ કુમારીના પિતા મોહન પાસવાનનું નિધન થઈ ગયું છે. જાણકારી અનુસાર, તેમને હાર્ટ એટેક આવવાના કારણે તેમનું મોત નિપજ્યું હતું. જ્યોતિનું ઘર દરભંગાના સિંહવાડા પ્રખંડના સિરહુલ્લી ગામમાં છે. ત્યાં જ તેના પિતા મોહન પાસવાન પોતાના પરિવાર સાથે રહે છે. આ વચ્ચે સોમવારે તેમનું હાર્ટ એટેકથી નિધન થઈ ગયું.
ગયા વર્ષે લોકડાઉન વખતે જ્યોતિ પોતાના પિતાને સાયકલ પર બેસાડીને હરિયાણાથી ગુરુગામ 1200 કિમીની સાયકલ ચલાવીને દરભંગા પહોંચી હતી. તેના કારણે તેનું નામ જ્યોતિનું નામ 'સાયકલ ગર્લ' પડ્યું હતું.