બિઝનેસ / આખરે અંબાણીનો દાવ ચાલ્યો: ગુજરાતી ભાઇઓના કારણે પડી મુશ્કેલી, પણ હવે થશે સૌથી મોટી ડીલ 

• રિલાયન્સે બુટ્સને ખરીદવા 48,123 કરોડ રૂપિયાની ઓફર કરી 
• અંબાણીને ગુજરાતી ભાઇઓના કારણે પડી હતી મુશ્કેલી
• આ ડીલ થાય તો વિદેશમાં રિલાયન્સની અત્યાર સુધીની સૌથી મોટી ડીલ હશે 

રિલાયન્સ ઈન્ડસ્ટ્રીઝના માલિક મુકેશ અંબાણી લાંબા સમયથી બ્રિટનમાં મોટો સોદો કરવાનો પ્રયાસ કરી રહ્યા હતા. જોકે હવે તે આ ડીલની નજીક આવી ગયા છે. જે ડીલમાં અત્યાર સુધી ગુજરાતી ભાઇઓના કારણે મુશ્કેલી પડી રહી હતી. જોકે હવે જો આ ડીલ થાય તો વિદેશમાં રિલાયન્સની અત્યાર સુધીની સૌથી મોટી ડીલ હશે. 

બુટ્સ એ વિશ્વની સૌથી મોટી દવા રિટેલર કંપનીઓમાંની એક

રિલાયન્સ ઈન્ડસ્ટ્રીઝ લાંબા સમયથી વોલગ્રીન્સની ડ્રગ રિટેલર બ્રાન્ડ બૂટ્સ ખરીદવાનો પ્રયાસ કરી રહી છે.  હવે બ્લૂમબર્ગે અહેવાલ આપ્યો છે કે રિલાયન્સ ઇન્ડસ્ટ્રીઝ અને બાયઆઉટ ફર્મ એપોલો ગ્લોબલ મેનેજમેન્ટે આ માટે બંધનકર્તા ઓફર રજૂ કરી છે. હવે જો આ ડીલ પૂર્ણ થાય છે, તો તે રિલાયન્સની અત્યાર સુધીની સૌથી મોટી વિદેશી ડીલ હશે. બુટ્સ એ વિશ્વની સૌથી મોટી દવા રિટેલર કંપનીઓમાંની એક છે. સમાચાર અનુસાર, રિલાયન્સે કંપનીને ખરીદવા માટે 5 બિલિયન પાઉન્ડ એટલે કે લગભગ 48,123 કરોડ રૂપિયાની ઓફર કરી છે. જોકે આ ડીલ રિલાયન્સ માટે એટલી સરળ નથી.

ગુજરાતી ભાઇઓના કારણે પડી મુશ્કેલી

મુકેશ અંબાણી મૂળ ગુજરાતના છે. આ સોદા માટેનો તેમનો રસ્તો બ્રિટિશ-ગુજરાતી ભાઈઓ ઈસા બ્રધર્સે અટકાવ્યો હતો. વાસ્તવમાં, બૂટ માટે બિડિંગના પ્રથમ રાઉન્ડમાં સૌથી મોટી બિડ ઇસ્સા બ્રોસ દ્વારા સબમિટ કરવામાં આવી હતી. ગુજરાતના ભરૂચના મોહસીન ઇસા અને ઝુબેર ઇસાએ તેમની યુરો ગેરેજ કંપની દ્વારા આ ડીલ માટે બિડ કરવામાં આવી હતી. યુકેમાં બૂટના 2,200થી વધુ સ્ટોર્સ છે. કંપની પાસે નંબર 7 બ્યુટી જેવી ખાનગી લેબલ બ્રાન્ડ પણ છે. 

આ વર્ષમાં રિલાયન્સના વિદેશમાં કેટલીય ડીલ થઈ શકે 

બુટએ રિલાયન્સનો પ્રથમ વિદેશી સોદો નથી. આ વર્ષે માર્ચમાં, કંપનીએ તેની પેટાકંપની રિલાયન્સ ન્યૂ એનર્જી દ્વારા લગભગ $60 મિલિયનમાં યુએસ સ્થિત લિથિયમ વર્ક્સ ખરીદ્યું હતું. આ કંપની લિથિયમ બેટરી ટેક્નોલોજી સાથે જોડાયેલી છે. જ્યારે આ પહેલા રિલાયન્સે યુકેની 262 વર્ષ જૂની રમકડાની કંપની હેમ્લીઝને પણ ખરીદી લીધી છે.