ગોરખધંધા / સુરતના આ વિસ્તારમાં સ્પાની આડમાં ચાલતો હતો દેહવ્યાપારનો ધંધો, એકસાથે 16 યુવતીને...

• સુરત શહેરમાં સ્પાની આડમાં દેહવ્યાપારનો ધંધો
• 4થી 5 સ્પામાં દરોડા પાડી 16 જેટલી યુવતીને મુક્ત કરાઈ
• રાહુલ રાજ મોલમાં રેડ પાડી ગોરખધંધાનો કરાયો પર્દાફાશ

સુરતમાં દિવસે દિવસે ગોરખધંધા વધી રહ્યા છે. સુરત શહેર પોલીસના મિસિંગ સેલ દ્વારા ડુમસ રોડ ઉપર આવેલા રાહુલ રાજ મોલમાં રેડ પાડવામાં આવી હતી. ત્યાં સ્પાની આડમાં ચાલતા કુટણખાનાને ઝડપી પાડવામાં આવ્યું છે. મિસિંગ સેલ દ્વારા 16 જેટલી યુવતીઓ મુક્ત કરાવવામાં આવી હતી.

સુરત શહેરમાં છેલ્લા કેટલાય સમયથી અનેક સ્પાની શરૂઆત થઇ ચુકી છે. ત્યારે શહેરમાં સ્પાની આડમાં કુટણખાનાો ધમધમી રહ્યા છે. શહેરમાં ચાલતા ગોરખધંધા સામે પોલીસ હંમેશા આંખ આડા કાન કરતી હોય છે. તો પોલીસની કામગીરી પર અનેક સવાલો ઉભા થઇ રહ્યા છે. સુરત શહેરમાં મિસિંગ સેલ દ્વારા ગઇકાલે મોડી સાંજે શહેરના ડુમસ રોડ પર આવેલા રાહુલ રાજ મોલમાં રેડ કરવામાં આવી હતી.

પોલીસ દ્વારા 16 જેટલી યુવતીઓને મુક્ત કરાઈ

જ્યાં 4 થી 5 જેટલા સ્પામાં રેડ કરી પોલીસ દ્વારા 16 જેટલી યુવતીઓને મુક્ત કરવામાં આવતી હતી. આ તમામ યુવતીઓને યેનકેન પ્રકારેની લાલચ આપીને તેમને અહીં લાવવામાં આવી તેમને દેહ વ્યાપારમાં ધકેલી દેવામાં આવતી હતી. આવી જ એક ફરિયાદ પોલીસને મળી હતી અને પોલીસ દ્વારા તાત્કાલિક રેડ કરી યુવતીને છોડાવી લેવામાં આવી છે.

રેસ્ક્યુ ફાઉન્ડેશ અને સહયોગી સંસ્થા મિશન મુક્તિ ફાંઉન્ડેશનને એક ફરિયાદ મળી હતી કે પશ્ચિમ બંગાળથી એક યુવતી ગુમ થઇ હતી. આ ગુમ યુવતીની તપાસ કરવા માટે સંસ્થા દ્વારા પોલીસનો સંપર્ક કરવામાં આવ્યો હતો. ત્યારે પોલીસ દ્વારા પણ યુવતીને શોધવા માટે અલગ અલગ ટીમ બનાવીને કામગીરી કરવામાં આવી હતી. તેમણે તાત્કાલીક 4 થી 5 જેટલા સ્પામાં રેડ કરી પશ્ચિમ બંગાળની યુવતિ સહિત અન્ય 16 જેટલી યુવતિઓને છોડાવી હતી. આ સાથે સ્પામાં કામ કરતા અને ગ્રાહકો મળી કુલ 10 જેટલા વ્યક્તિઓની પણ ધરપકડ કરી લેવામાં આવી હતી.