કોંભાડમાં પરિક્ષા લેનાર કંપનીના કંટ્રોલરૂમનો ઉપયોગ કરી TeamViewer જેવા સોફટવેરનો ઉપયોગ થયાનો આરોપ
ઉર્જા વિભાગમાં પેપર કોંભાડ પર મોટો ખુલાસો
ઉર્જા વિભાગના પેપર કોંભાડમાં આધુનિક ટેકનોલોજી ઉપયોગ
વચેટિયાઓ કોમ્યુટર હેક કરાવીને પેપર ભર્યા હતા
રાજ્યમાં વધુ એક પરીક્ષામાં ગેરરીતિ સામે આવી છે. વધુ એક પરીક્ષામાં ગેરરીતિનો AAP નેતા યુવરાજસિંહનો આક્ષેપ છે. 3 વર્ષમાં ઉર્જા વિભાગની ભરતીમાં ગેરરીતિ થઈ હોવાનો આરોપ લગાવાયો છે. ઉર્જા વિભાગની પરીક્ષામાં કૌભાંડને લઇ યુવરાજસિંહે કહ્યું કે ઉર્જા વિભાગની ભરતી કૌભાંડનું એપી સેન્ટર અરવલ્લી જિલ્લો છે. અને એક જ ગામના 18 વિદ્યાર્થીને નિમણૂક મળી છે. જેમાં સીટ નંબર પણ એક જ સિક્વન્સમાં છે. UGVCL, PGVCL, DGVCL, MGVCL ભરતી અને UGVCL જુનિયર આસિસ્ટન્ટની ભરતીમાં કૌભાંડ થયું છે. ત્યારે
ઓનલાઇન પરિક્ષામાં ટેકનોલોજીનો દૂર ઉપયોગથી પરિક્ષા પેપર ભરાયું હોવાની માહિતી મળી છે. કોંભાડીઓની મોડ્સ ઓપરેન્ડી હેકિંગના સાયબર એક્સપર્ટ જેવી હતી.
ગુજરાતમાં પ્રથમવાર આ રીતે પેપર ફૂટવાની ઘટના સામે આવી
કોંભાડમાં પરિક્ષા લેનાર કંપનીના કંટ્રોલરૂમનો ઉપયોગ થયાનો આરોપ
પરિક્ષાર્થી -કંપનીનો માણસ- સુપરવાઇઝર અને વચેટિયા ભાગીદાર હતા
TeamViewer જેવા સોફટવેરનો પરિક્ષામાં ઉપયોગ થયો હતો
પરિક્ષાર્થી જે સેન્ટરમા બેસતો ત્યાં સુપરવાઇઝર વચેટિયાનો માણસ હતો
પરિક્ષાર્થીનો જે કોમ્યુટર હતું ત્યાં TeamViewer જેવું સોફ્ટવેર હોવાની સંભાવના
સુપરવાઇઝર પરિક્ષાર્થીનો કોડ નંબર વચેટિયાને પહોંચાડતો હતો
વચેટિયો આ કોડ નંબર કંપનીના સર્વર રુમમાં પહોંચાડતો હોવાની સંભાવના
સર્વરરુમમાં TeamViewer જેવા સોફટવેરથી પરિક્ષાર્થીનું પેપર જોઇ શકાતું
કન્ટ્રોલ રુમમાં બેઠોલો એક્સપર્ટ પરિક્ષાર્થીના જવાબ લખી નાખતો હતો
પરિક્ષાર્થી માત્ર કોમ્યુટર સામે બેસીને સમય પસાર કરતો
કંટ્રોલરૂમમાં પરિક્ષાર્થીનું પેપર સીધે સીધું ભરાતું હતું
આ રીતે આઇટી અને હેકિંગના માધ્યમથી પેપર ફોડવામાં આવ્યું
કયા આરોપીઓની સામે થયા આરોપ?
જેમાં વચેટિયાનું નામ અવધેશ પટેલ છે. જિલ્લા ભાજપ યુવા મોરચાના મહામંત્રી છે. અને બાયડમાં ટ્યૂશન ચલાવતો અજય પટેલ કૌભાંડ ચલાવે છે. ઓનલાઇન પરીક્ષા મહારાષ્ટ્રની NSEIT દ્વારા લેવામાં આવે છે. અને એક પેપરના 21 લાખ રૂપિયા લેવામાં આવ્યાનો આરોપ છે. યુવરાજસિંહે આરોપ લગાવતા કહ્યું કે UGVCL, PGVCL, DGVCLમાં ગેરરીતિથી પાસ થયેલા ફરજ બજાવે છે. જેમાં ગુજરાત ઉર્જા વિકાસ નિગમના અધિકારીઓની સંડોવણી છે. કુલ 11 વિદ્યાર્થીઓ કૌભાંડમાં સંડોવાયેલા છે. ધવલ પટેલ, કૃશાંગ પટેલ, રજનીશ પટેલ, આંચલ પટેલ પર આરોપ છે. રાહુલ પટેલ, પ્રદીપ પટેલ, ધ્રુવ પટેલ પર આક્ષેપ છે. જ્યારે બાબુ પટેલ, જીગીશા પટેલ પર ગેરરીતિથી પાસ થવાનો આરોપ છે. અને શરૂઆતમાં ટોકન અને ત્યારબાદ બાકીની રકમ અપાય છે.
ગુજરાતમાં ભરતી કૌભાંડ ક્યારે અટકશે હવે તે મોટો સવાલ
ત્યારે સવાલો ઉઠી રહ્યાં છે કે સરકારી ભરતીઓમાં થતા કૌભાંડ ક્યારે અટકશે?. કૌભાંડ આચરતા લોકો સામે કડક કાર્યવાહી ક્યારે?. શું ભરતીમાં કૌભાંડ ન થાય એવું આયોજન ના થઇ શકે?. ઉર્જા વિભાગમાં ભરતી કૌભાંડમાં કોની સંડોવણી?. કૌભાંડ વિના ભરતી કરવાનું શક્ય નથી?. વર્ષોથી મહેનત કરતા ઉમેદવારો સાથે અન્યાય કેમ?. વારંવાર કૌભાંડો સામે આવે છે તો દાખલારૂપ કાર્યવાહી કેમ નથી કરતા?. ભરતીમાં કૌભાંડ ન થાય એવી વ્યવસ્થા ન થઇ શકે?. ઉર્જા વિભાગમાં ભરતી કૌભાંડની તટસ્થ તપાસ થશે?. હજારો પરીક્ષાર્થીઓને ન્યાય ક્યારે મળશે?. ભરતી કૌભાંડમાં રાજકીય વગદારોની સંડાવણી છે?. પૈસા આપી નોકરીએ લાગેલા લોકો સામે કડક પગલા લેવાશે?. કૌભાંડથી ભરતી થયેલા લોકોને છૂટ્ટા કરવામાં આવશે?.