સુરત / લિંબાયતમાં મૃત નવજાત મળવા અંગેના કેસમાં સામે આવ્યું મહારાષ્ટ્ર કનેક્શન, આરોપી દંપતિને પોલીસે દબોચ્યું

• સુરતના લિંબાયતમાં મૃત નવજાત મળ્યા મામલે ખુલાસો
• મહારાષ્ટ્રના દંપતીની ધરપકડ કરવામાં આવી
• અગાઉ શિખા હોસ્પિટલના નર્સની પણ ધરપકડ કરવામાં આવી હતી

સુરતના લીંબાયતમાં મૃત હાલતમાં મળી આવેલ નવજાત શિશુનો કિસ્સામાં નવી અપડેટ સામે આવી છે. 

પોલીસે ઉકેલ્યો મામલો
લિંબાયતમાં મૃત નવજાત શિશુ મળવા મામલે મહારાષ્ટ્રના દંપતીની ધરપકડ કરવામાં આવી છે. એ દંપતી મહારાષ્ટ્રથી આવીને સુરતના લીંબાયત ખાતે ગર્ભપાત કરાવ્યું હતું. હાલ પોલીસે આરોપી દંપતીને CCTVના આધારે ઝડપી પાડ્યા છે.  જણાવી દઈએ કે અગાઉ શિખા હોસ્પિટલના નર્સની પણ પોલીસે દ્વારા ધરપકડ કરવામાં આવી હતી. 

ચોંકાવનારો વીડિયો આવ્યો સામે
થોડા સમય પહેલા લીંબાયતનાં રણછોડ નગરમાં આવેલી ક્લિનિકનો એક ચોંકાવનારો વીડિયો સામે આવ્યો હતો. માહિતી અનુસાર એબોર્શનથી કાઢી નાંખવામાં આવેલું તાજાં જન્મેલાં મૃત નવજાતને ક્રૂરતાથી ત્યજવામાં આવ્યું. વીડિયોમાં જોવા મળ્યું હતું કે  ક્લિનિકની નર્સ દ્વારા જ એબોર્શન કરાયેલા ભૃણને હવામાં ફેંકવામાં આવ્યું હતું ત્યાર બાદ આ મૃત નવજાતને ખાડી કિનારે આવેલ ટાઇલ્સના વેસ્ટ રૂમમાંથી મળી આવ્યું હતું. 

સુરતના લીંબાયતમાં મૃત નવજાત મળ્યા મામલે ખુલાસો, ક્લિનિકની નર્સ દ્વારા જ એબોર્શન કરાયેલા ભૃણને ફેંકવામાં આવ્યું હતું#Surat #Abortion #VtvGujarati

(આ VIDEO તમને વિચલિત કરી શકે છે) pic.twitter.com/jbTJDOMufy

— VTV Gujarati News and Beyond (@VtvGujarati) March 21, 2023

આ અંગે પોલીસે તાત્કાલિક તપાસ હાથ ધરી હતી. લીંબાયત પોલીસે સીસીટીવીના આધારે ગુનો ઉકેલ્યો હતો. ક્લિનિકની નર્સ કે જેણે આ નવજાત ભૃણને ફેંક્યો હતો તેની ધરપકડ કરવામાં આવી હતી.