ગૌશાળાના સેવકે પોલીસને જાણ કર્યા બાદ બાળકની કસ્ટડી લેવામાં આવી હતી અને બાદમાં પોલીસે બાળકના માતા પિતાની શોધખોળ અને તપાસનો ધમધમાટ શરૂ કર્યો છે જો કે તપાસ દરમિયાન મોટો ઘટસ્ફોટ થયો છે.
પેથાપુરમાંથી બાળક મળવાને લઈને મોટો ખુલાસો
સચિન દિક્ષીત નામના વ્યક્તિએ બાળકને તરછોડ્યું હતુ
બાળક સચિન દિક્ષીતની પત્નીનું ન હોવાનું પણ ખુલ્યુ
ગાંધીનગરના પેથાપુરમાં સ્વામિનારાયણ ગુરુકુળની ગૌશાળામાં શુક્રવારે રાત્રે અજાણ્યો યુવક બાળકને મૂકી ગયો હતો. ગૌશાળાના સેવકે પોલીસને જાણ કર્યા બાદ બાળકની કસ્ટડી લેવામાં આવી હતી અને બાદમાં પોલીસે બાળકા માતા પિતાની શોધખોળ અને તપાસનો ધમધમાટ શરૂ કર્યો હતો જો કે 20 કલાક બાદ બાળકના માતા પિતાની ભાળ મળતા તેમાં ચોંકાવનારો ઘટસ્ફોટ થયો છે.
સચિન દિક્ષીત નામના વ્યક્તિએ બાળકને તરછોડ્યું હતુ
ગાંધીનગરના પેથાપુરમાં બાળક મળવા મામલે મોટો ઘટસ્ફોટ થયો છે. દંપતિની પૂછપરછ દરમિયાન પત્નીએ ચોંકાવનારો ખુલાસો કર્યો જેમાં બાળક અને પતિના પ્રેમ સંબંધને લઈને પત્ની અજાણ હોવાનું સામે આવ્યું છે. પત્ની પોતાના પરિવાર સાથે રાજસ્થાન પિયરમાં પ્રસંગમાં ગઈ છે જ્યારે પતિ સચિન ગાંધીનગરમાં એકલો રહેતો હતો. પોલીસ તપાસમાં બાળક સચિન દિક્ષીતની પત્નીનું ન હોવાનું સામે આવ્યું છે.
બાળક સચિન દિક્ષીતની પત્નીનું ન હોવાનું પણ ખુલ્યુ
જો વાત કરવામાં આવે તો સચિન દિક્ષીત મૂળ ઉત્તર પ્રદેશનો રહેવાસી છે, તે ગાંધીનગર સેક્ટર 26માં ગ્રીનસિટી સોસાયટીમાં રહે છે. તેમજ સચિન વડોદરાની ઓઝોન કંપનીમાં કામ કરે છે. હાલ તો પોલીસ દ્વારા પતિ સચિન દિક્ષિત અને પત્નીને પૂછપરછ માટે ગાંધીનગર લવાયા છે. જેમાં સચિનની પત્નીએ મોટો ઘટસ્ફોટ કર્યો હતો. પત્ની બાળક અને પતિના પ્રેમ સંબંધને લઈને અજાણ હોવાનું સામે આવ્યું છે.
સચિનની મહિલા મિત્ર વડોદરાની હોવાની શંકા
સચિન દિક્ષિતની પ્રેમિકાને લઈને પોલીસે તપાસ શરુ કરી દીધી છે. સચિનની મહિલા મિત્ર વડોદરાની હોવાની પોલીસને શંકા છે. એવું પણ મનાઈ રહ્યું છે કે સચિન વડોદરા નોકરી કરતો હતો ત્યારે તેની સાથે પ્રેમ સંબંધ બંધાયો હોય તેવી શક્યાતાઓ સેવાઈ રહી છે બીજી તરફ પત્નીએ આ મામલે કંઈજ ખબર નહીં હોવાનું જણાવ્યું છે. પત્નીએ કહ્યું છે કે સચિનની પ્રેમીકા અંગે હું કંઈ જ જાણતી નથી. મારી ગેરહાજરીમાં સચિને આ કારસ્તાન કર્યું હોવાનું પત્ની રટણ કરી રહી છે. પત્નીએ કહે છે કે હુ પરિવાર સાથે રાજસ્થાનના કોટા ગઈ હતી ત્યારે આ સમગ્ર કરતૂત કરી હોવાનું પત્ની કહી કરી છે.
હજુ પણ રહસ્ય હજુ અકબંધ
મહત્વનું છે કે ગઈ કાલે પોલીસે બાળકના પરિવારની શોધખોળ માટે 100થી વધુ પોલીસ કામે લાગી હતી જેમાં 45 ગામોમાં તપાસ થઈ તો 65 CCTV ફૂટેજ ચેક કરાયા હતા અંતે બાળકને મૂકી જનાર ગાંધીનગરના જ સચિન દીક્ષિતને રાજસ્થાનના કોટામાંથી શોધી લવાયો છે જો કે બાળકનો પિતા સચિન છે કે નહીં અને માસુમ બાળકને રાત્રે તરછોડવા પાછળ કયા કારણો જવાબદાર છે એનું રહસ્ય હજુ અકબંધ છે