સચિન દીક્ષિતે મહેંદી નામની યુવતી સાથે લવ મેરેજ કર્યા હતા પરતું અત્યારે બાળકની સાચી માતા ક્યાં છે તેની કોઈને પણ જાણ નથી
બાળકને તરછોડવાના કેસમાં મોટો ખુલાસો
સચિન દિક્ષિતે બે લગ્ન કર્યા હોવાનો ખુલાસો
સચિને મહેંદી નામની યુવતી સાથે કર્યા હતા લગ્ન
ગૌશાળાના સેવકે પોલીસને જાણ કર્યા બાદ બાળકની કસ્ટડી લેવામાં આવી હતી અને બાદમાં પોલીસે બાળકના માતા પિતાની શોધખોળ અને તપાસનો ધમધમાટ શરૂ કર્યો છે જો કે તપાસ દરમિયાન મોટો ખુલાસો થયો છે.
સચિન દિક્ષિતે બે લગ્ન કર્યા હોવાનો થયો ખુલાસો
ગાંધીનગરનાં પેથાપુરમાં બાળકને ત્યજી દેવાના મામલે એક બાદ એક નવા ખુલાસાઓ થઈ રહ્યા છે. બાળક મળ્યાના 24 જ કલાકમાં ગાંધીનગર પોલીસે બાળકના પિતાને શોધી કાઢ્યો હતો. સેક્ટર 26માં રહેતો સચિન દીક્ષિત પોતાના જ બાળકને ગૌશાળામાં છોડીને ભાગી ગયો હોવાનું સામે આવ્યું હતું. જે બાદ આજે સવારે સચિન દીક્ષિત તથા તેની પત્નીની સઘન પૂછપરછ કરવામાં આવી હતી. બંને ગઇકાલે કોટામાં ઝડપાયા હતા જ્યાંથી તેમની ગાંધીનગર લાવવામાં આવ્યા હતા. જોકે આજે સચિનની પત્નીએ મોટો ખુલાસો કર્યો હતો કે બાળક તેનું નથી અને હવે સામે આવ્યું છે કે સચિને બે લગ્ન કર્યા હતા.
સચિને મહેંદી નામની યુવતી સાથે કર્યા હતા લવ મેરેજ
તપાસ બાદ સામે આવ્યું છે સચિન દીક્ષિતે મહેંદી નામની યુવતી સાથે લવ મેરેજ કર્યા હતા. સચિન મહેંદીની સાથે જ વડોદરામાં રહેતો અહતો અને શનિ-રવિવારે ગાંધીનગરમાં આવી જતો. સચિનનાં લગ્નની જાણ મહેંદીનાં પરિવારને પણ હતી જોકે ગાંધીનગરમાં રહેતી સચિનની પહેલી પત્નીને કોઈ જાણ ન હોવાનું સામે આવ્યું છે.
હાલ મહેંદીનો નથી થઇ રહ્યો કોઇ સંપર્ક: પરિવાર
નોંધનીય છે કે અત્યારે બાળકની સાચી માતા મહેંદી પણ ક્યાં છે તેની કોઈને જાણ નથી. મહેંદીનાં પરિવારે કહ્યું છે કે મહેંદી સાથે કોઈ સંપર્ક પણ નથી થઈ રહ્યો.
બાળક સચિન દિક્ષીતની પત્નીનું ન હોવાનું પણ ખુલ્યુ
જો વાત કરવામાં આવે તો સચિન દિક્ષીત મૂળ ઉત્તર પ્રદેશનો રહેવાસી છે, તે ગાંધીનગર સેક્ટર 26માં ગ્રીનસિટી સોસાયટીમાં રહે છે. તેમજ સચિન વડોદરાની ઓઝોન કંપનીમાં કામ કરે છે. હાલ તો પોલીસ દ્વારા પતિ સચિન દિક્ષિત અને પત્નીને પૂછપરછ માટે ગાંધીનગર લવાયા છે. જેમાં સચિનની પત્નીએ મોટો ઘટસ્ફોટ કર્યો હતો. પત્ની બાળક અને પતિના પ્રેમ સંબંધને લઈને અજાણ હોવાનું સામે આવ્યું છે.
સચિનની મહિલા મિત્ર વડોદરાની હોવાની શંકા
સચિન દિક્ષિતની પ્રેમિકાને લઈને પોલીસે તપાસ શરુ કરી દીધી છે. સચિનની મહિલા મિત્ર વડોદરાની હોવાની પોલીસને શંકા છે. એવું પણ મનાઈ રહ્યું છે કે સચિન વડોદરા નોકરી કરતો હતો ત્યારે તેની સાથે પ્રેમ સંબંધ બંધાયો હોય તેવી શક્યાતાઓ સેવાઈ રહી છે બીજી તરફ પત્નીએ આ મામલે કંઈજ ખબર નહીં હોવાનું જણાવ્યું છે. પત્નીએ કહ્યું છે કે સચિનની પ્રેમીકા અંગે હું કંઈ જ જાણતી નથી. મારી ગેરહાજરીમાં સચિને આ કારસ્તાન કર્યું હોવાનું પત્ની રટણ કરી રહી છે. પત્નીએ કહે છે કે હુ પરિવાર સાથે રાજસ્થાનના કોટા ગઈ હતી ત્યારે આ સમગ્ર કરતૂત કરી હોવાનું પત્ની કહી કરી છે.
હજુ પણ રહસ્ય હજુ અકબંધ
મહત્વનું છે કે ગઈ કાલે પોલીસે બાળકના પરિવારની શોધખોળ માટે 100થી વધુ પોલીસ કામે લાગી હતી જેમાં 45 ગામોમાં તપાસ થઈ તો 65 CCTV ફૂટેજ ચેક કરાયા હતા અંતે બાળકને મૂકી જનાર ગાંધીનગરના જ સચિન દીક્ષિતને રાજસ્થાનના કોટામાંથી શોધી લવાયો છે જો કે બાળકનો પિતા સચિન છે કે નહીં અને માસુમ બાળકને રાત્રે તરછોડવા પાછળ કયા કારણો જવાબદાર છે એનું રહસ્ય હજુ અકબંધ છે