પરિણામ / CA ફાઇનલ રિઝલ્ટમાં સુરતના વિદ્યાર્થી મુદિત અગ્રવાલે વગાડ્યો ડંકો, ઓલ ઇન્ડિયામાં મેળવ્યો બીજો ક્રમ

• CA ફાઈનલના રિઝલ્ટમાં સુરતના મુદિત અગ્રવાલે મેળવ્યો બીજો નંબર
• CA ફાઇનલના રિઝલ્ટમાં સુરતના વિદ્યાર્થીએ વગાડ્યો ડંકો
• સુરતના મુદિત અગ્રવાલે ઓલ ઇન્ડિયામાં મેળવ્યો બીજો ક્રમ

CA ફાઈનલના પરિણામમાં સુરતના વિદ્યાર્થીએ ડંકો વગાડ્યો છે. સુરતના મુદિત અગ્રવાલે બીજો ક્રમાંક મેળવ્યો છે. સુરતના મુદિતે 800માંથી 589 માર્ક સાથે ઓલ ઈન્ડિયામાં બીજો ક્રમ મેળવ્યો છે. સુરતના આ યુવાને ગુજરાત અને સમગ્ર દેશમાં નામ રોશન કર્યું છે. ઈન્ડિયામાં બીજા ક્રમ સાથે મુદિતે ગુજરાતમાં પ્રથમ સ્થાન મેળવ્યું છે. 

લોકડાઉનનો ઉપયોગ કરીને દિવસ-રાત ઓનલાઈન શિક્ષણથી મહેનત કરી 

ઓલ ઈન્ડિયાના પરિણામમાં ગુજરાત સુરતના 4 યુવાનોએ ટોપ 50માં નંબર મેળવ્યો છે. યુવાનોએ જણાવ્યું કે, કોરોનાકાળમાં દિવસ રાત મહેનત કરી છે. સાથે કહ્યું કે, કોરોનામાં લોકડાઉનના કારણે વાંચનમાં કોઈ તકલીફ પડી નહોતી. લોકડાઉનમાં પણ તેમના પ્રોફેસરો પાસેથી ઓનલાઈન શિક્ષણ મેળવતા રહ્યા હતા. ટોપ-50ના વિદ્યાર્થીઓએ જણાવ્યું કે, માત્ર પરીક્ષા પહેલા જ વાંચવાથી શ્રેષ્ઠ પરિણામ આવતું નથી. સતત વાંચન કરતું રહેવું પડે છે.