વર્ષ 2020માં ટીમ ઇન્ડિયાએ આજના જ દિવસે ન્યૂઝીલેન્ડને તેની જ ધરતી પર મ્હાત આપીને ઇતિહાસ રચી દીધો હતો.
ભારતીય ટીમે આપી તગડી હાર
ન્યૂઝીલેન્ડને તેની ધરતી પર આપી હાર
ઓસ્ટ્રેલિયા કે ઇંગ્લેન્ડ પણ નથી કરી શક્યુ આ કામ
ભારતીય ટીમે ટી-20 સિરીઝમાં ન્યૂઝીલેન્ડને 5-0થી હાર આપી હતી. ટીમ ઇન્ડિયા સાથે 5 મૅચમાં દ્વિપક્ષીય ટી-20 સિરીઝમાં 5-0થી હાર આપનાર દુનિયાની પહેલી ટીમ બની ગઇ હતી.
પહેલીવાર ટીમ ઇન્ડીયાએ ન્યૂઝીલેન્ડને તેની જ ધરતી પર ટી-20 ઇન્ટરનેશનલ સિરીઝમાં મ્હાત આપી હતી. ટીમ ઇન્ડીયાએ દ્વિપક્ષીય ટી-20 સિરીઝમાં 5-0થી જીત હાંસલ કરી હતી. અને આવું કરનારી તે દુનિયાની પહેલી ટીમ બની હતી.
ભારતે ન્યૂઝીલેન્ડની ધરતી પર કીવીઓ વિરુદ્ધ પહેલીવાર દ્વિપક્ષીય ટી-20 ઇન્ટરનેશનલ સિરીઝ 2008-09માં રમી હતી.
બે મેચની આ ટી-20 સિરીઝમાં ભારતને 0-2થી હારનો સામનો કરવો પડ્યો હતો. જે બાદ ભારતને 2018-19માં રમાયેલી ટી-20 ઇન્ટરનેશનલ સિરીઝમાં ન્યૂઝીલેન્ડે 2-1થી હરાવ્યુ હતુ.
આ સાથે જ ભારતે 11 વર્ષમાં પહેલી વાર ન્યૂઝીલેન્ડની ધરતી પર દ્વિપક્ષીય ટી-20 ઇન્ટરનેશનલ સિરીઝ જીતી અને ભારતને ગૌરવ અપાવ્યું હતુ.