ભ્રષ્ટાચાર / સુરેન્દ્રનગરમાં આ રીતે કોર્પોરેશન લોકોના રૂપિયાનું પાણી નહીં પણ ધૂળ કરી રહી છે

• સુરેન્દ્રનગરમાં નગરપાલિકા દ્વારા બનાવેલા RCC રોડની નબળી કામગીરી
• 1 મહિનામાં જ તૂટી ગયો RCCનો રોડ !
• પાલિકા અને કોન્ટ્રાકટરની નબળી કામગીરીનો કોંગ્રેસ દ્વારા વિરોધ

સુરેન્દ્રનગરમાં નગરપાલિકા દ્વારા બનાવેલા RCC રોડમાં સામે આવી નબળી કામગીરી સામે આવી છે. નગરપાલિકાએ બનાવેલો રોડ એક મહિનામાં જ તૂટી ગયો છે. આ રોડની કામગીરીમાં ભ્રષ્ટાચાર થયો હોવાનો કોંગ્રેસે આક્ષેપ કર્યો છે. એક મહિનામાં આ રોડ તૂટી જતા પાલીકાએ સમારકામ હાથ ધર્યુ છે. લક્ષ્મીપરા વિસ્તારમાં રોડ બનાવવામાં આવ્યો હતો. પાલિકા અને કોન્ટ્રાકટરની નબળી કામગીરીનો કોંગ્રેસનો વિરોધ કર્યો છે.
 

રોડ બનાવવા માટે કોર્પોરેશન દ્વારા લોકોના ટેક્સના કરોડો રૂપિયાનો ખર્ચો કરવામાં આવે છે. કરોડો રૂપિયાના કોન્ટ્રાક્ટમાં પણ ભ્રષ્ટાચાર થઈ જતો હોય છે. ત્યારે આ વખતે લોકોએ જ કોર્પોરેશનની નબળી કામગીરીની પોલ ખોલી નાખી છે.

આ સિવાય શહેરમાં કચરાની વ્યવસ્થા પણ ખરાબ રીતે જોવા મળે છે. ચોમાસાની સીઝન પહેલા કેટલાક રોડનું સમાર કામ કરવામાં આવે છે. પરંતુ ચોમાસાના એક બે વરસાદ પછી તમામ હકિકતો સામે આવી જાય છે. તો શહેરમાં અનેક ઠેકાણા પર પાણી ભરાવવાની સમસ્યા પણ જોવા મળે છે. જેનાથી વાહન ચાલકોને પણ તકલીફ પડે છે. અને એક પ્રકારે રોગચાડાનું પ્રમાણ વધે છે.