સુરતના ચોકબજાર વિસ્તારમાં એક મુસ્લિમ યુવાને પોતાની બીજી પત્નીની હત્યા કરી છે અને તેના શરીરના ટુકડા કરી તેનો નિકાલ કરવા જતાં પોલીસના હાથે પકડાઈ ગયો હતો. જોકે પોતાની બીજી પત્ની હત્યાનો સમગ્ર મામલો પોલીસ સામે આવતા પોલીસ પણ ચોંકી ઉઠી હતી અને આ ઘટનાના પગલે સમગ્ર વિસ્તારમાં ચકચાર મચી જવા પામી હતી
સુરતના ચોકબજાર વિસ્તારમાં આવેલ કાશકી વાળ વિસ્તારમાં રહેતા અને ઘર નજીક પ્રોવીજન સ્ટોર ધરાવતા શહનવાજેબ તેની પત્નીની હત્યા કરી તેના ટુકડા કરી ઉધના વિસ્તારમાં આવેલ ખાડીમાં તેનો નિકાલ કરવા જતાં પોલીસના હાથે પકડાઈ ગયો હતો.
ઉધના પોલીસે આ યુવાની પૂછપરછ કરતા સમગ્ર મામલો સામે આવ્યો હતો પોલીસે લાલગેટ પોલીસની મદદથી આ યુવાનના ઘરે તપાસ શરૂ કરી હતી. જોકે આ યુવાનના ઘરેથી યુવતીનું માથું મળી આવ્યું હતું. આ યુવતી વિશે વધુ તપાસ કરતા જાણવા મળ્યું હતું કે આ યુવાન અવાર નવાર કામ અર્થે મહારાષ્ટ્રના અમરાવતી ખાતે જતો હતો તે સમયે જુલેખા દેહ વેપારમાં જોલાયેલ હોવાથી તેના સંપર્કમાં આવી હતી.
ત્યારબાદ બંને વચ્ચે પ્રેમ થતા યુવાને તેની સાથે દોઢ વર્ષ પહેલા લગ્ન કરી પત્ની બનાવી સુરત લાવ્યો હતો. જોકે પહેલી પત્ની અને બીજી પત્ની વચ્ચે અવાર નવાર ઝગડા ચાલતા હતા જેમાં ઝૂલેખાનું ભૂતકાળ સામે આવતું હોવાથી છેલ્લા 3 મહિનાથી આ બાબતે બંને વચ્ચે ઝગડા વધી ગયા હતા. જયારે ગત આ યુવાને તેની ઘાતકી હત્યા કરી તેના શરીરના ટુકડા કરી નાખ્યા.
જોકે આ હત્યા પાછળના કારણો પોલીસ નથી બતાવી રહી. સમગ્ર મામલે પોલીસની કામ કરવાની કાર્ય શૈલી આડા અવળી હોવાથી અનેક સવાલ ઉભા થઇ રહ્યા છે જયારે આરોપીની ધરપકડ થઇ ગઈ છે.