સુરતમાં ફરી લવજેહાદનો કિસ્સો સામે આવ્યો છે. જેમા વિધર્મી યુવકે સગીરાને ખોટું નામ આપી તેની પ્રેમજાળમાં ફસાવીને તેનું અપહરણ કર્યું હતું. જે મામલે પોલીસે આરોપીને ઝડપી પાડ્યો છે.
સુરતમાં ફરી લવજેહાદનો કિસ્સો સામે આવ્યો
વિધર્મી યુવકે સગીરાને ફસાવી પોતાની પ્રેમજાળમાં
પોલીસે સમગ્ર મામલે આરોપી યુવકની કરી ધરપકડ
સુરતમાં વધતી જતી ગુનાખોરી એક ચિંતાનો પ્રશ્ન બન્યો છે. ત્યારે વધુમાં ફરી વખત શહેરમાં એક લવ જેહાદનો કિસ્સો સામે આવ્યો છે. જેમા એક વિધર્મી યુવકે એક સગીરાને તેની પ્રેમજાળમાં ફસાવી હોવાનું સામે આવ્યું છે. આરોપીએ હિન્દું નામ રાખીને સગીરાને તેની પ્રેમજાળમાં ફસાવી હતી તેવી માહિતી સામે આવી છે.
હિન્દુ નામ જણાવી સગીરાને ફસાવી
હિન્દુ નામ જણાવી યુવકે સગીરાને તેની પ્રેમજાળમાં ફસાવી હતી સાથેજ તે સગીરાનું અપહરણ કરીને તેને ભગાવી ગયો હતો. પોલીસે આ સમગ્ર મામલે અપહરણ અને લવજેહાદનો કલમ હેઠળની ફરિયાદ નોંધીને ગુનો દાખલ કર્યો છે.
આરોપીનું અસલી નામ મલિક મહોમ્મદ
ઘટનાની જાણ થતાજ પોલીસે તપાસ આરંભી હતી. જેમા પોલીસે અપહ્યત સગીરાને આરોપીના સકંજામાંથી છોડાવી હતી. પોલીસ તપસામાં સામે આવ્યું છે કે આરોપીનું અસલી નામ મલિક મહોમ્મદ છે સાથેજ એવી પણ માહિતી સામે આવી છે કે આરોપી યુવક કાપડની ફેક્ટરીમાં કામ કરે છે. સાથેજ આ કેસમાં વધુ તપાસ પણ પોલીસે હાથ ધરી છે.
આરોપીએ રાહુલ નામનું ટેટૂ પણ કરાવ્યું હતું
ઉલ્લેખનીય છે કે પોલીસે આ કેસમાં અપહરણની સાથે લવ-જેહાદની કલમ હેઠળ પણ ગુનો નોંધાવ્યો છે. સમગ્ર મામલે પોલીસે આરોપીને પકડી પાડીને કિશોરીને પણ તેના કબ્જામાંથી છોડાવી છે. મહત્વનું છે કે આ કેસમાં આરોપી મલિક મહોમ્મદે રાહુલ નામ જણાવીને સગીરાને પોતાની પ્રેમજાળમાં ફસાવી હતી. સાથેજ તેના હાથ પર રાહુલ નામનું ટેટૂ પણ કરાવ્યું હતું.