સુરતમાં બાળકી સાથે દુષ્કર્મ અને હત્યા કેસમાં એક પછી એક ખુલાસા થતા જાય છે. આ કેસમાં પોલીસે પણ તપાસનો ધમધમાટ તેજ કર્યો છે. હવે પોલીસે આરોપી હર્ષ સાંઇની પત્ની રમાદેવીની સંડોવણી અંગે પૂછપરછ હાથ ધરી છે.
બાળકીની હત્યા પૂર્વે 65થી વધુ ઈજા પહોંચાડવામાં આવી હતી જેમાં રમાદેવીની સંડોવણી પણ હોઈ શકે છે. આ સાથે પોલીસની એક ટીમ બાળકી અને તેની માતાની ઓળખ કરવા માટે દિલ્લી પણ પહોંચી છે.
જ્યારે બાકીના આરોપીઓની ધરપકડા કરવા માટે પોલીસની બે ટીમ રાજસ્થાનમાં પણ પહોંચી છે. પોલીસ દ્વારા આટલી ઝડપી કાર્યવાહી જોતા લાગી રહ્યું છે કે સમગ્ર મામલાનો ખુલાસો ટૂંક સમયમાં આવશે.