દરોડા / સુરતમાં DRIએ 2 જગ્યાએ રેડ પાડતા ઝડપાયું 10 કરોડની કિંમતનું 18 કીલો સોનું, દાણચોરીની શંકા

• સુરત DRIની મોટી કાર્યવાહી
• DRIની રેડમાં 18 કિલો સોનુ ઝડપાયુ
• વરાછા લંબેહનુમાન રોડ નો જવેલર્સ અને મહિધરપુરામાં વેપારી ત્યાં દરોડા 

સુરત DRI એટલે કે ડિરેકટોરેટ રેવન્યુ ઈન્ટેલિજન્સે મોટી કાર્યવાહી હાથ ધરી છે. વરાછા લંબેહનુમાન રોડ નો જવેલર્સ અને મહિધરપુરામાં વેપારી ત્યાં દરોડા પાડયા છે. જેમાં અંદાજે 10 કરોડની કિમતનુ 18 કિલો સોનુ કબ્જે કર્યુ છે.4 લોકોને પૂછપરછમાં પણ લીધા છે

દાણાચોરીનુ સોનુ હોવાની શંકા
જ્વેલર્સ અને બુલિયન વેપારીના ત્યાં DRIની રેડમાં ઝડપાયેલા જ્વેલર્સ અને બુલિયન વેપારીના ત્યાં DRIની રેડમાં દાણાચોરીનુ સોનુ હોવાની શંકા છે કારણ કે કબ્જે કરેલ સોના પર કસ્ટમ ડ્યુટી અને GST ચુકવાણો નથી.

બિનહિસાબી વ્યવહારને DRIએ વધુ તપાસ હાથ ધરી
હનુમાન વિસ્તારમાં જવેલરીનો શોરૂમમાં ઝડપાયેલા 15 કિલોથી વધુ સોનું જેની કિમત 8.50 કરોડથી વધુ છે જ્યારે  મહિધરપુરામાં વેપારી ત્યાં દરોડા 27 સોનાની બિસ્કીટ જેનો વજન  2.4 કિલો અને કિમત 1.50 કરોડની આસપાસ આંકવામાં આવી રહી છે. રશિયાના યુદ્ધના પગલે સોનાના ભાવોમાં ધરખમ વધારો જોવા મળ્યો છે જેમાં ઓછી કિમતે ટેક્સ વગરનું સોનું ગેરકાયદેસર રીતે એટલે કે ટેક્સ ભર્યા વગર મગાવી વેપારીઑ રોકાણ પણ કરતાં હોય છે અને તેજીમાં તેણે સારા ભાવે બ્લેક માર્કેટમાં વેચી પણ મારતા હોય છે 

અંદાજે 10 કરોડની કિમતનુ 18 કિલો સોનુ કબ્જે કર્યુ 
હાલ તો પોલીસે રેડમાં બંને જગ્યાએથી મળેલા 18 કિલો સોનાને જપ્ત કરી આગળની કાર્યવાહી હાથ ધરી છે. અને 4 લોકોની સધન પૂછપરછ પણ કરી રહી છે ત્યારે આ સોનું ક્યાંથી આવ્યું, કેવી રીતે લાવ્યા? કોણ દ્વારા મગાવ્યું કે કોણે આપ્યું વગેરે જેવા અનેક પાસાઓ પર તપાસ આદરી દેવામાં આવી છે.