ગુજરાત / ઉત્તરાયણમાં માતા-પિતા રહો સાવધાન, પતંગની લહાયમાં બાળકે જીવ ગુમાવ્યો, પતંગની દોરી અડતા ધડાકો

ઉત્તરાયણના તહેવારમાં દોરીથી વાહનચાલકોને ઈજા થવાની કે અન્ય બીજા અકસ્માતોની ઘટનાઓ છાશવારે બનતી હોય છે. પણ સુરતમાં એક એવી ઘટના ઘટી છે, જે માતા-પિતા માટે ચિંતા ઉપજાવનારી છે.

પતંગ હાઈટેન્શન વીજલાઈનમાં જઈને ફસાઈ ગયો

સુરતના સચિન જીઆઈડીસીમાં પતંગ ચગાવતા બાળકનું કરૂણ મોત થયું છે. મળતી માહિતી મુજબ પ્રિન્સ ચૌધરી નામનો 13 વર્ષીય બાળક ધાબા પર પતંગ ઉડાવી રહ્યો હતો. તે દરમિયાન પતંગ હાઈટેન્શન વીજલાઈનમાં જઈને ફસાઈ ગયો. પતંગ નીકાળવાનો પ્રયાસ કરવા જતા બાળકે જેવી દોરીને અડી કે વીજળીના જોરદાર કરંટથી ધડાકો થયો અને બાળક ઉછળીને પટકાયો હતો.

આ પણ વાંચોઃ VIDEO: બ્રિજરાજ દાન અને દેવાયત ખવડ વચ્ચે ફરી તિરાડ, કહ્યું હવે માફી માગું તો ડાયરા મૂકી દઈશ

વીજના કારણે ગંભીર રીતે દાઝી ગયેલા બાળકને સારવાર માટે હોસ્પિટલમાં દાખલ કરાયો. જ્યાં એક દિવસની ટૂંકી સારવાર પછી પ્રિન્સ ચૌધરી મોતને ભેટ્યો. ત્યારે આ ઘટનાને લઇ પરિવારમાં શોકનો માહોલ ફરી વળ્યો હતો. ત્યારે આ ઘટનાને લઇ સચીન જીઆઇડીસી પોલીસે અક્સ્માતનો ગુનો નોંધી તપાસ શરૂ કરી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ