વિધર્મીઓની હરકત? / દિવાળીના તહેવારમાં આવારા તત્વોનો આંતક, રાજકોટ અને સુરતમાં ફટાકડાના છુટ્ટા ઘા કરી લોકોના જીવ જોખમમાં નાખ્યા

• દિવાળીના તહેવારોમાં અસામાજિક તત્વોનો આતંક
• સુરત પેટ્રોલ પંપ સળગાવી દેવાનો પ્રયાસ
• બાઈકસવારોએ રોડ પર સળગાવેલા ફટાકડા ફેંક્યા

તહેવારોના સમયે કેટલાક અસામાજિક તત્વો દ્વારા ગુનાહિત પ્રવૃતિઓને અંજામ આપવાનો પ્રયાસ થઇ રહ્યો છે. આવા તત્વો ફટાકડાનો ઉપયોગ આનંદ માણવાના બદલે કોઇ અધટિત ઘટના બને તેના માટે કરી રહ્યાં હોય તેવુ સ્પષ્ટ જોઇ શકાય છે. હમણાં જ રાજકોટમાં અસામાજીક તત્વોનો વીડિયો વાઇરલ થયો છે. જેમાં 150 રિંગ રોડ પરના બ્રિજ પર બાઈકસવારોએ રોડ પર સળગાવેલા ફટાકડા ફેંક્યા હતાં. બાઈક પર જતા બે યુવકોએ ફટાકડા બ્રિજ પર નાખતા વિસ્ફોટ થયો થયો હતો. તો આ તરફ આવી જ ઘટના સુરતમાં બની હતી. પેટ્રોલ પંપ સળગાવી દેવાનો ખતરનાક નિષ્ફળ પ્રયાસ કરવામાં આવ્યો હતો. પેટ્રોલ પંપ ઉપર પેટ્રોલ પુરાવ્યાં બાદ ફટાકડો ફોડ્યો હતો. આ ઘટના યુનિવર્સિટી રોડ પર આવેલા રાધે પેટ્રોલિયમ પર બની હતી. આ મામલે ઉમરા પોલીસે તપાસ હાથ ધરી છે.

પેટ્રોલ પંપ ઉપર ફટાકડા ફોડી ફરાર આરોપીઑમાંથી 2 વિધર્મી ઝબ્બે
વેસુમાં યુનિવર્સિટી નજીક સોમેશ્વર ચાર રસ્તા પર મૈત્રેય હોસ્પિટલની બાજુમાં રાધે પેટ્રોલ પંપ આવેલો છે ત્યારે ગત રાત્રી 2 બાઈક સવાર વિધર્મી પેટ્રોલ પુરાવવા આવ્યા હતા. જતી વખતે પેટ્રોલ પંપ પર ફટાકડા સળગાવી નાખતા થોડા સમય માટે પંપ પર અફરાતફરી મચી હતી. પણ સદનસીબે પેટ્રોલ પંપ સળગાવી દેવાનો ખતરનાક  પ્રયાસ નિષ્ફળ ગયો હતો. સમગ્ર ઘટનાના CCTV આવતા પોલીસે ગુંડાતત્વોને પકડવા કાર્યવાહી હાથ ધરી હતી મોહમંદસાદ મોહમંદઈરફાન કુરેશી (ઉમર વર્ષ:18,રહેઠાણ ઝાંપાબજાર)ને પકડ્યો હતો. જ્યારે અન્ય આરોપી સગીર છે. બન્ને સફલ સ્કેવર પર ફરવા આવ્યા હતા અને પેટ્રોલપંપ સળગાવવાનો પ્રયાસ કરી ફટાકડા ફોડી નાસી છૂટયા હતા.

કારમાંથી ફટાકડા ફેંકી રાહદારીના જીવ જોખમમાં નાખ્યા
આ પહેલા પણ રાજકોટમાં અસામાજિક તત્વોએ એસ્ટ્રોન ચોક પાસે હાઈવે પર આંતક મચાવ્યો હતો. ચાલુ કારમાંથી ફટાકડા ફેંકી રાહદારીના જીવને જોખમમાં નાખી વિધર્મીઑએ આનંદ લીધો હતો. બાઇકચાલકે કારનો પીછો કરી આવારાતત્વોના આંતકને છતો કર્યો હતો. દિવાળી ટાણે અવારનવાર બનતી આવી ઘટનાઑથી વાહનચાલકોમાં રોષ જોવા મળ્યો છે.