ચીટીંગ / સુરતમાં યુવકે ઘરમાં શરૂ કરી દીધું ચલણી નોટોનું છાપકામ, આવી રીતે ભાંડો ફૂટ્યો

• સુરતમાં નકલી નોટ છાપતો શખ્સ ઝડપાયો 
• રૂપિયા 500નાં દરની છાપતો હતો નકલી નોટ 
• પોલીસે નોટના જથ્થા સાથે કર્યો મુદ્દામાલ કબજે 

પચરંગી શહેર સુરતમાં ગોરખ ધંધા અને છેતરપીંડીના બનાવો એવી રીતે બનતા હોય છે જાણે, લોભિયા અને ધૂતારાઓ સાથે સાથે હોય. સુરતમાં તમામ પ્રકારના ગોરખધંધા સામે આવતા હોય છે .તેમાં ઉમેરણ કરતો એક કિસ્સો છે નકલી નોટ છાપી બજારમાં ચલણી તરીકે વટાવવાનો. સુરતના પલસાણામાં નકલી ચલણી નોટ બનાવવાનું કૌભાંડ ઝડપાયું છે. 

દિવાળીમાં કમાઈ લેવું હતું 

કોરોના કાળ પછી આર્થિક મંદીનો માર જીરવતા એક શખ્સને દીપાવલીના તહેવારોમાં કમાઈ લેવાનો તુક્કો સુઝ્યો. સુરતના પલસાણા વિસ્તારના દસ્તાન ગામે એક રહેણાક મકાનમાં તેણે નકલી નોટ ચાપવાનો ધંધો શરુ કર્યો હતો.પોલીસે એક બાતમીના આધારે શિવસાગર રેસિડેન્સીના મકાનમાં છાપો મારી નકલી ચલણી નોટ અને સાહિત્ય સાથે એક શખ્સની ધરપકડ કરી હતી. 
પોલીસે 500ના દરની 398 નોટ કબજે કરવા સાથે કલર પ્રિન્ટર સહિતનો મુદ્દામાલ જપ્ત કર્યો

ક્યાં ક્યાં મૂકી છે બજારમાં ?

પોલીસે આ શખ્સની ઝીણવટપૂર્વક તપાસ હાથ ધરી છે અને નવરાત્રીના પર્વમાં તેણે કેટલી નોટ છાપી અને બજારમાં ચલણમાં મુકવા માટે કોણે કોણે આપી છે તે અંગે પૂછ પરછ ચાલુ કરી છે.